روابط مصر بإمارة كتسينا النيجيرية

 

بلاد وشعوب غرب أفريقيا عمومًا ونيجيريا خاصةً مش غريبين عن مصر وشعبها، بل كان في علاقات قوية من مئات السنين، وظهر دة في زيارة الفقيه والمؤرخ الرحال المصري جلال الدين السيوطي لإمارة كاتسينا

المؤرخ الفقيه جلال الدين السيوطي (1455م - 1505م)، لما كان في بديات شبابه قام برحلة قطع خلالها آلاف الكيلومترات عشان يوصل لإمارة كتسينا الواقعة في شمال دولة نيجيريا المعاصرة

واللي كانت من حواضر إمارات غرب أفريقيا في زمانها بداية من القرن الـ12 ولحد القرن الـ15، وأقام يها فترة من الزمن

إمارة كتسينا من الإمارات لسبعة لشعب الهاوسا في نيجيريا ولها توجد لحد دلوقتي، وتعتبر الإمارة هي سبق إمارات الهوسا للتقدم الحضاري والعملي والمعماري اللي أثاره شاهدة لحد اليوم

ومن أسباب دة وقوعها على طريق القوافل التجارية والحجاج من غرب أفريقيا لمصر ومنها للحجاز، طريق "تمبكتو - برنو - مصر"

الشيخ السيوطي كتب عن إمارات ومدن غرب أفريقيا لما زارها هي كمان زي مملكة التكرور اللي جيه منها جماعة استوطنت مصر بالتحديد في الجيزة واتسمى حي باسمها (بولاق الدكرور)، وكانوا مع كبيرهم الشيخ يوسف التكروري اللي اتدفن في المنطقة

وكان صديق شخصي لملك كاتسينا، إبراهيم كومايوه، وذكره في كتابه رسالة الملوك، وأكد على معرفة أهالي المنطقة بمصر والروابط ما بينهم 

واتكلم عن مدى تحضر وتطور الإمارة وتمسك أهله بالدين الإسلامي ونشر الثقافة الإسلامية، وكان بيعلمهم وبيفتيهم السيوطي  

دلوقتي موجودة إمارة كاتسينا لكن بشكل رمزي شرفي  

المصدر:

- دور مصر الحضاري في القارة الأفريقية قبل الاستعمار الأوروبي، عبدالفتاح مقلد 

- حُسن المحاضرة في تاريخ مصر والقاهرة، جلال الدين السيوطي   

- موقع الأرشيف المصري للحياة والموروثات الشعبية