مصر للجميع و بالجميع 2

في  أمور  كتيرة  بتختلط علينا  و خصوصا  الأمور  الخاصة  بالمساواة  و الحقوق  . يعني  لما  بنتكلم  عن الحقوق  في  ممارسة الشعائر الدينية  و  حقوق  الافراد  و المساواة  بين  أتباع الأديان امام  الدولة  و المجتمع  دة معناه  مش  فقط المواطنيين  المسلميين  و المسحيين  و  اليهود ( اتباع الشرائع السماوية )  او  العرب  لكن دة بيعني  ان  كل  شخص  و اي  شخص  طالما بيحمل الجنسية المصرية  مهما  كان  دينه و معتقده او ثقافته  هو له نفس الحقوق  في كل  شئ  مع اي  شخص  أخر  .. مفيش أزدواجية  و لا  هتتنفع  تكون موجودة في امور  تتعلق  بالجزئية  دي  . و  حتي  لو  شخص  مختلف  عقائديا  عنك  او  انه بينتمي  لعقيدة قليلة  العدد في  الوطن او  لفئة  سواء دين  او  معتقد او  مذهب  و طائفة  او  عرق و  شعب  او او   دة مش معني  انه لازم يسير  خلف ما  تحدده الاغلبية في المجتمع  و ان ينصاع لهم ! . و ان  يكون كضيف شرف  في بلده مش مواطن  طبيعي  ..  مصر  مش كلها  مسلميين   ولا  كلها  سُنة  ولا  كلها  عرب  ولا  كلها  لسنها  العربية   . مصر  بلد متنوع  و  متعدد و  الكل  له  الحق  في العيش الكريم و بحرية  و  كرامة في البلد   و يكون له  تقدير  واحترام  من المجتمع  و  الدولة  ..
دة مش  منّ  ولا  كرامة  لكن  دة حق حق  لكل  المصريين  بالعيش في  بلدهم  لانها  بلدهم  برده  ...  مصر  للجميع و بالجميع  مصر  دي  بلد لكل المصريين