محاكمة حسين حبري

رئيس جمهورية سابق لبلد أفريقي قريبة من مصر ملهاش حدود مشتركة معانا لكن المسافة ما بينا تقريباً 250 كم، هي جمهورية ‫تشاد‬ ، رئيس جمهوريتها السابق ‫‏حبري‬ بيمثل للمحاكمة في دولة السنغال اللي هرب لها من بعد إطاحته من الحكم علي يد الرئيس الحالي " إدريس ‫ديبي‬"، الفترة دي بيتحاكم علي جرائم إرتكبها من 25 سنة لما كان متولي منصب رئيس الجمهورية لـ 8 سنين ( 1982: 1990) إرتكب خلالها مذابح قتل و إعدام 40 ألف شخص بجانب تعذيب 200 ألف في المعتقلات و السجون * طبقاً لتقارير منظمة العفو الدولية* بالإضافة لتهم تانية .
محاكمته جات بعد نجاح الضحايا و الحقوقيين لمدة 15 سنة بيلاحقوه قضاياً من بعد ما أخفي كل الأدلة و الأوراق اللي ضده و إتخلص منها، لكن من بعد هروبه و بعد مجهودات كبيرة قدروا يجمعوا و يوثقوا أكتر من 12 ألف أدلة إدانة ضده و ده الي خلي ‫الإتحاد الأفريقي‬ يجري محاكمة أفريقية لـ "حبري" في السنغال، و اللي بيعتبر نقلة نوعية و كبيرة في إن بقي من الإمكان محاكمة الحكام السابقين في الدول الأفريقية عن اللي إرتكبوه في حق شعوبهم و بلادهم .
تقريباً سيناريو حبري حصل مع ‫‏مبارك‬ بتخلصه من الأدلة اللي تدينه و المستندات و ده اللي خلي الأدلة ضده في القضايا اللي إرتكبها و علي رأسهم قتل المتظاهرين مش كافية لمحاكمته محاكمة عادلة و ياخد العقاب اللي يستحقه،
لكن هل من الممكن إن في يوم من الأيام حتي ولو بعد مرور سنين يتم جمع الأدلة و المستندات اللي بتدين مبارك و نظامه و عصابته و يُعاد محاكمته " أفريقياً" ؟
علي نفس المنوال زاي ما حصل مع حبري ؟؟