أبنوس | Ebony

من سنين طويلة هاجر الصحفي الكردي مقداد بدرخان من اضطهاد االسلطان العثماني عبد الحميد التاني للقاهرة للاحتماء وفيها أسس أول جريدة كردية باسم "كردستان" واللي اعتبرت نواة الصحافة الكردية فيما بعد الأمير مقداد هو حفيد الأمير بدرخان أمير جزيرة بوتان، وبدرخان عائلة كردية شهيرة منها المخرج المصري الكبير أحمد بدرخان، أسس جريدة "كرستان" باللهجة الكرمانجية في 22 أبريل سنة 1898 م في القاهرة الجريدة كانت نُص شهرية وعدد صفحاتها أربعة، واعتبرت حدث مهم جدًا في تاريخ الحياة الاجتماعية الكردية بصفة عامة والثقافة الكردية بصفة خاصة وكان الهدف من الجريدة إن مقداد يكتب عن هموم الشعب الكردي والاضطهاد من العثمانيين واللي كانت العلاقة بينهم غريبة شوية.. كويسة جدًا وكانوا بيعتبروا هما العصاية الغليضة في إيد العثمانيين ضد الأقليات التانية في المنطقة، وشوية العلاقة بينهم سيئة جدًا المهم أن الأمير مقداد أصدر 5 أعداد من "كردستان" في القاهرة، وبعد كدة هاجر لسويسرا وبعدها استقر في بريطانيا، في رحلة انتقال دايمًا وهروب جواسيس عبد الحميد التاني والجريدة أخدت صيت كبير وسط

إمبارح كان اليوم العالمي للحيوان اللي أثار الجدل حوليه وإتوجهت له الاتهام في التسبب في قتل أكثر من 160 ألف شخص وإصابة 2.3 مليون، وهو الخفاش واللي أتنسجت حولينه آراء وأساطير وحواديت كتير جدًا من قبل كورونا بكتير لآلاف السنين لـ ورا دلوقتي لما تسمع "كورونا" أول حاجة بتيجي في البال طبق شوربة الخفاش اللي اتقال إنه هو السبب في تفشي كورونا في العالم.. صحيح وأكيد إن العلماء اتفقوا حولين مكان نشأة كورونا وهو مدينة ووهان، لكن في حاجة تانية اختلفوا عليها وهي "احتمالية" ملهاش تأكيد حاسم إن الخفاش هو المتسبب تطور كورونا وانتقاله للإنسان ووقوع كل الفوضى دي في 26 مارس اللي فات، اتنشرت دراستين في مجلة نيتشر العلمية المرموقة أكدوا إن في حيوان غير الخفاش "ربما" إنه يكون هو الحامل الوسيط اللي نقل الفيروس للبشر، وهو آكل النمل الحرشفي - الخفاش السفاح مع ذلك دة مش بيبرر موقف الخفاش إنه "سفاح" إتسبب في ظهور فيروسات سابقة بشكل أكيد زي ماربورج ونيباه  اللي اتفشى في أوغندا وماليزيا وبنجلاديش وأستراليا بجانب إن في "احتمالية قوية" إن الخفاش هو المتسبب ف

من 33 سنة كان في طفل صغير عمره 4 سنين بيشتغل بطريقة استعبادية في مصنع سجاد في مدينة لاهور الباكستانية وعانى من سوء تغذية وظروف شغل قاسية كان بيشتغل لمدة 14 ساعة متواصلة كل يوم من غير أي إجازات أسبوعية ولا غيرها وبمقابل مادي يساوي 3 سنت بس، بعد ما أسرته "باعته" لمصنع سجاد بمقابل 7 دولارات كـ"عبد" عامل الطفل إقبال مسيح عانى من ظروف شغله اللي كان بيتربط طول الوقت بسلاسل علشان ميهربش إلا أنه لما كبر شوية وفهم إن ظروف الشغل دي غير آدمية ولازم يسيبه لكن صاحب المصنع هدد إقبال وزمايله الأطفال إنهم في محاولة هروبهم هيتصب عليهم الزيت المغلي لكن إقبال حاول يهرب ونجح في ده لكن صاحب المصنع لاقاه ورجعه للشغل وصب زيت مغلي عليه فعلًا، لكنه هرب تاني والمرة دي هاجر من مدينته تمامًا وساب أسرته لجأ إقبال لجمعية بتناهض عمالة الاطفال ولما استعاد حريته أول حاجة عملها اتعلم وزاد وعيه أكتر وأكتر وصمّم إنه يساعد كل الأطفال اللي بيستعبدوا ويحررهم من أشغالهم دي وفعلًا نجح في تحرير 3000 طفل وإقبال اللي كان عمره تقريبا 11 سنة بس اتحول لبطل وأيقونة للنضال ضد عمالة واستعباد الأطفال على مستو

أغنية مستمدة من أسطورة أمازيغية قديمة بترجع لمئات وآلاف السنين، وغناها الفنان الأمازيغي القبائلي الجزائري Idir إيدير وبقت أيقونة لغناء القبائلي والأمازيغي بشكل عام الأغنية بتدور حولين أسطورة أمازيغية بتتلخص في كفاح وتضحية بنت اسمها "غريبا" لوالدها العجوز "إينوفا" وإخوتها الصغيرين وهي في عز شبابها عشان تصرف عليهم وتأكلهم "غريبا" كانت بتتشغل في حقول الزيتون كانت بتقطف الثمار وبتحرث الأرض وتعلف المواشي لحد غروب الشمس ترجع البيت لأبوها وأخواتها ولما كانت بتدق على باب البيت أبوها كان بيحتار مين اللي بيدق الباب ويفتح ولا لأ لخوفه إن يكون الطارق دة وحش الغابة فبنته تقوله أنا غريبا وبعد كدة اتفق معاها زي كلمة سر كدة تعملها لما تيجي على الباب تاني وهي أنها تهز وتشخلل غوايشها وهو هيميز إن اللي بيخبط على الباب بنته من الصوت ولما كانت بترجع البيت تحضن أبوها وتقوله أنا كنت خايفة من وحش الغابة ويرد عليها يقولها وأنا كمان ويطلب منها إنها تسامحه إنه مفتحش ليها الباب من أول ما خبطت لإنه كان خايف وبعد كدة الأغنية بتوصف الأجواء برا البيت في تلج الشتاء والعواصف والقمر اللي

أول يوم أحد من شهر شعبان كل سنة، بيحتفل العراقيين خاصة أهل بغداد بمناسبة دينية اجتماعية بتتسمى "ليلة زكريا" وهي من الموروثات الشعبية التقليدية العراقية الأصيلة في الليلة دي بيتم تجهيز صينية كبيرة فيها أكلات متنوعة من معجنات ومكسرات وحلويات وبينهم شموع (نِدوُر)  بتتولع قبل المغرب بشوية واليوم دة فرصة للعاقر إنها تدعي لرزقها بمولود وخاصة الذكور، فبتصوم 3 أيام عن الكلام وبتجهز الصينية، وكمان اليوم فرصة للدعاء عمومًا لقضاء الحوايج والاحتفالية دي مرتبطة بقصة النبي زكريا لما استجاب الله لدعاءه ورزقه بطفل (النبي يحيى) من زوجته العاقر وهو عمره 90 سنة وبيتم صيام يوم زكريا للتبرّك، والصايم بيفطر على صينية الأكل اللي بيكون فيها أكلات كتير وحلويات وحليب، وأهم مكونات الصينية بتكون لهوم وهو سمسم مسحوق ومخلوط بالسكر، وحمص ومكسرات، والبيض المسلوق والخضراوات الورقية وبعد الفطار الجيران بتيبادلوا صواني الأكل وبيتولع شمعة في الصينية اللي رايحة للجار أو الصديق عشان تجيله البركة وبيتبادلوا الدعاء وكمان الأهل والأقارب والأصدقاء بيستضيفوا بعض والأطفال بتمشي في الشوارع ومعاها شموع وطبلة فخار صغير