مسجد توبا الكبير في السنغال.. رمز جمال وصوفية ومقاومة
في مدينة توبا أو طوبى في وسط السنغال موجود مسجد بديع في الجمال العماري والجمال الروحاني لإرتباطه بشخصية دينية روحية ومقدسة عند أتباع الطريقة المريدية الصوفية وهو الشيخ أحمدو بمبا إممباكي
اتعرف الشيخ أحمدو بمبا بين مريديه باسم "ولي توبا" ومن الاسم دة اتسمت المدينة اللي أسسها باسمه وهي توبا
ملحوظة: ممكن سماع التدوينة أوديو ساوندكلاود من هنا
الشيخ أحمدو بمبا كان ولي صوفي وشاعر وسياسي ومقاوم كمان ضد الاستعمار الفرنسي لبلاده وركز دعوته على نبذ العنف لكن دة اللي خلاه يتم اعتقاله ونفيه لخارج السنغال
ويعتبر أحمدو من أكبر وأشهر الأولياء الصوفيين في غرب أفريقيا وبيجي يزور قبره اللي موجود في مسجد توبا في ذكرى ميلاده كل سنة ملايين من المريدين والمحبين له
رغم إن المسجد اللي موجود في شرق توبا سعته 30 ألف شخص بس، لكن بيتم إجراء تجديدات له وصلت تكلفتها لـ30 مليون دولار
وكان بيركز أحمدو بمبا في القيم والمبادئ بتعته على قيم السلام والعمل الجاد والكرامة، فكان بيشوف إن الكسب من عمل الإيد هو حاجة ضروري جدًا لحفظ الكرامة من مد الإيد للغير
وسمى طريقته المريدية بمعنى "المريدين الوصول إلى الله" وعدد أتباعها 5 ملايين شخص، أشهرهم هو المطرب يوسو نور اللي فاز بجايزة جرامي 2014
تعليقات
إرسال تعليق