أبنوس | Ebony

عادة الجلد/الضرب بالكرباج للعريس في فرح/ حفل زفاف لقبيلة البشارية في أسوان  والعادة دي ليها رمزية بانتقال الشاب من مرحلة الطفولة للرجولة   قبيلة البشارية جزء من شعب البچا وهو شعب بيسكن ساحل البحر الأحمر في مصر والسودان وشرق أفريقيا  ولهم تواجد في أسوان  وبعض القرى النوبية وفي جنوب الصحراء الشرقية المصرية  العادة دي معروفة باسم "البطان" عند بعض القبائل في السودان، هي عادة قديمة بتنتشر خاصة عند قبيلة "الجعليين" والقبائل ذات الأصول العربية وأفراد القبيلة بيمارسوا العادة على نطاق واسع، وبيقوم فيها العريس بجلد أشقاءه وشباب عائلته في جو احتفالي خاص، بيحضره الجميع نساء ورجال وحتى أطفال ودة لإظهار لشجاعة وبيكون في الاحتفال بالزواج وغيره، وحسب العادة دي بيتعرى الراجل في المحفل على إيقاع آلة الدلوكة الموسيقية، ويتم لضرب على الضهر  وبعد إتمام العادة بيتم علاج آثرها على الضهر بالذات الساخن "الشيوية"

الدبكة فن تراثي منتشر في بلاد الشام سوريا والأردن ولبنان وفلسطين وكمان العراق، وموجود في مصر بالتحديد في مناطق شمال سيناء  الدبكة السيناوية ليها أكتر من نوع منها الطياري اللي هو أكنه رقصة عسكرية  وتعتبر الدبكة فنّ وافد للسيناوية موجود خاصة في العريش والشيخ زويد وبالأساس الدبكة انتقلت ليهم من الفلسطيين، نظرًا للتقارب الجغرافي والثقافي والاجتماعي بين السيناوية والفلسطينية  ومش الدبكة بس اللي مشتركة ومتأثرة بين  سيناء وفلسطين بل تقريبًا كل الفنون الشعبية فيها كدة مشتركة مع فلسطين وشبه الجزيرة العربية  فـ الفنون الشعبية السيناوية من رقص وغناء وموسيقى بتشكّل مادة بتعبر عن حقيقة ثقافة سيناء وترجمة لجغرافيتها وتاريخها والتأثر بمحيطها  فـ عشان كدة المكون الثقافي الشامي هو الأقرب للمكون الثقافي السيناوي ودة شيء طبيعي جدًا  وتعتبر سيناء هي الجسر الثقافي وحلقة الوصل بين الفنون الشعبية الشامية دي وبين سكان المحافظات الشرقية للدولة ومصر عمومًا، ودة بيضيف ثراء وتنوع للفنون الشعبية المصرية بشكل عام

  في متاحف قصر عابدين موجود كتير من المتعلقات الشخصية لملوك وأمراء الأسرة الملكية المصرية العَلوية منها الشيشة دي وهي الخاصة للملك فاروق الأول كان معروف عن الملك فاروق حُبه للشيشة، شيشته الخاصة بيه دي مصنوعة من الفضة والبلور، وفي قصة مشهورة بخصوص الملك فاروق والشيشة "بيُقال" إنه في سنة 1938، كان أفندينا في زيارة للإسكندرية وخلال مسير موكبه الملكي في شوارع المدينة متجه لقصر رأس التين، صادف بنت شابة شقرة باين من ملامحها إنها أجنبية اعترضت الموكب الشابة دي من أصول يونانية اسمها ماري بيانوتي، حَيّت الملك وقالت له إنها حابة إنه يجي يشرب شاي في قهوتها "كاليميرا" ودي معناها "صباح الخير" باللغة اليوناني ولبى الملك دعوتها وراح القهوة فعلًا، وطلب كوباية شاي ومعاها شيشة، وانبسط جدًا من المكان والاستقبال وأمر بعطية ملكية سخية للبنت بعد زيارته  مش معروف قد إية حجم العطية دي بس ماري استخدمتها في تجديد القهوة تمامًا وعلقت نماذج تيجان نحاسية اللي بترمز للمملكة، وغيرت اسم القهوة لاسم "مقهى فاروق" القهوة دي موجودة لحد اليوم في منطقة مبحري وفيها صور وتيجان المملكة

كهف السباحين موجود في هضبة الجلف الكبير في أقصى نقطة بجنوب غرب مصر على الحدود مباشرة مع دولة ليبيا وبيرجع تاريخه ما بين 6000 و9000 سنة وبعض العلماء قالوا إن عمره أكتر من كدة بيوصل لـ10 آلاف سنة أو أكتر كمان  تم اكتشاف الكهف في 1933 على يد المستكشف المجري لازلو ألماسي وبيتميز الكهف برسوماته الغريبة لأشخاص مَتني أطرافهم وكأنهم بيسبحوا في الميه  ودة خلاه ياخود شهرة عالمية، وذكره الروائي مايكل أونداتجي في روايته The English Patient "المريض الإنجليزي"  واللي اتحولت لفيلم بنفس الاسم، تم إنتاجه سنة 1996، واتصور أجزء منه في الكهف  أهمية الكهف إنه بيوثق وبيأكد على وجود مَيه وحياة برية في المنطقة قبل آلاف السنين وكان عايش فيها البشر، قبل ما تتحول لصحراء قاحلة  المصدر: - الموقع الإلكتروني للمتحف البريطاني  

زمان كان "النجع" هو نواة التجمع الديموغرافي السكاني في النوبة القديمة، وكانت التسمية المتعارف عليها هو "عُمُدِيَّة" ومجموعة الندوع كانت بتشكل قرية، وكانت القرى بتمتد على مسافات مختلفة وكبيرة على طول نهر النيل عبر المساحة الممتدة للنوبة المصرية/ الشمالية/السُفلى لأكتر من 350 كيلومتر من الشلال الأول في الشمال لحد قرية قُسُطل في الجنوب، وكانت ممكن تمتد القرية لـ12 كيلومتر أو لـ19 كيلومتر زي قرية الأمبركاب أو كتر من كدة كمان كان مركز التُقل للنجع في الغالب بيكون الجامع الكبير، أو العائلات والقبائل الأكبر والأقوى، أو موجود فيه بيت ومكان العُمدة، وكمان لو كان موجود فيه كيان خدمي زي البوستة أو محطة للبواخر النيلية اللي كانت بتبحر في رحلات أسبوعية واللي كانت معروفة باسم "البوستة" وكانت النوبة لقديمة بتضم 535 نجع، منتشرين بين ربوع قراها، وممكن نستعرضهم : -- قرية قرشه : نجع أمبو كول تعني ساقية شجرة الدوم حيث أمبو الدوم وكول أو كوليه الساقية الأرض التي تروي من ساقية واحدة أي زمام الساقية . نجع كوليه سيه تعني الساقية الضيقة زمام ضيق لساقية سكن قبيلة الجوهراب نجع خضر ك

  بلاد وشعوب غرب أفريقيا عمومًا ونيجيريا خاصةً مش غريبين عن مصر وشعبها، بل كان في علاقات قوية من مئات السنين، وظهر دة في زيارة الفقيه والمؤرخ الرحال المصري جلال الدين السيوطي لإمارة كاتسينا المؤرخ الفقيه جلال الدين السيوطي (1455م - 1505م)، لما كان في بديات شبابه قام برحلة قطع خلالها آلاف الكيلومترات عشان يوصل لإمارة كتسينا الواقعة في شمال دولة نيجيريا المعاصرة واللي كانت من حواضر إمارات غرب أفريقيا في زمانها بداية من القرن الـ12 ولحد القرن الـ15، وأقام يها فترة من الزمن إمارة كتسينا من الإمارات لسبعة لشعب الهاوسا في نيجيريا ولها توجد لحد دلوقتي، وتعتبر الإمارة هي سبق إمارات الهوسا للتقدم الحضاري والعملي والمعماري اللي أثاره شاهدة لحد اليوم ومن أسباب دة وقوعها على طريق القوافل التجارية والحجاج من غرب أفريقيا لمصر ومنها للحجاز، طريق "تمبكتو - برنو - مصر" الشيخ السيوطي كتب عن إمارات ومدن غرب أفريقيا لما زارها هي كمان زي مملكة التكرور اللي جيه منها جماعة استوطنت مصر بالتحديد في الجيزة واتسمى حي باسمها (بولاق الدكرور)، وكانوا مع كبيرهم الشيخ يوسف التكروري اللي اتدفن في المنطقة وكا

في 13 فبراير سنة 1992 نزلت طيارة ملك البوب وأيقونة الموسيقى العالمية مايكل جاكسون في مطار العاصمة أبيدجان، عاصمة كوت ديفوار/ساحل العاج كان في انتظاره آلاف من المعجبين والعشاق المُتيمين وجيش من الصحفيين والمسئولين الرسميين لاستقباله، لكنه بمجرد وصوله للبلد كان وجهته لمكان معين محدد هو قرية كريندجابو  كريندجابو موجودة في الركن الجنوب الشرقي من دولة كوت ديفوار، وهي معقل لقبيلة "آني" اللي بتنتمي لشعب آكان كان في انتظار ملك البوب ملك وأمراء ووجهاء شعب آني وحشود من القبيلة من كل مكان جُم لاستقبال ابنهم.. لإن جاكسون عمل تحليل للحمض النووي وقال إنه بينتمي للشعب دة  زعيم قبلي من "آني" قال إن جاكسون مش بس بينتمي للشعب لا دة كمان من سلالة سانوي الملكية، يعني ملك البوب ملك حقيقي! وعشان كدة جيه مايكل جاكسون لشعبه الأصلي عشان يتم تنصيبه كـ"أمير" حقيقي،  وكمان نال اسم أفريقي محلي لــ"آني"، بقى اسمه "أملامان أنوه/ Amalaman Anoh" وحصل التنصيب بشكل رسمي تقليدي للقبيلة ولبس تاج من الدهب وقماش ملون ملكي، وقعد تحت الشجرة المقدسة جنب ملك وأمراء شعبه في أجواء

  مِش صعيدي الأجبان من الأكلات الأساسية على طبلية المصريين من آلاف السنين، اختلفت أنواعها وأشكالها ومذاقاتها وأقدم اكتشاف للجبنة في تاريخ مصر، ومن الأقدم في العالم، كان في مقبرة سيدة بمنطقة سقارة بيرجع تاريخها لـ4750 سنة وفي 2018 تم اكتشاف بلاص جبنة كان في مقبرة النبيل بتاحمس اللي بيرجع لسنة 1200 قبل الميلاد، يعني عمر الجبنة دي 3200 سنة، وأظهر التحليل أن الجبنة دي مصنوعة من حليب الأغنام والماعز جبنة مصرية عمرها 3200 سنة حاليًا.. مصر اتميزت بـ4 أنواع جبنة مصرية أصيلة بتتصنع حصريًا فيها ، بجانب عشرات الأنواع التانية اللي موجودة في مصر لكنها مش مصرية بالأساس مش هنبالغ لو قولنا إن ممكن كل محافظة أو كل قرية كمان ليها جبنة بمذاق مختلف عن التانية وتعتبر الجبنة القريش أقدم أنواع الأجبان المصرية، وبترجع لعهد المصريين القدماء، وأكتر نوع جبنة منتشر في أنحاء مصر وفي كمان الجبنة الدمياطي، اللي كانت بالأساس بتتصنع في دمياط من قرون، ومنه انتشرت في مصر، وبتتصنع من لبن الأبقار أو الجاموس، أو من خليط منهم، وأحيانًا بتتعمل من لبن الغنم، وبتتسمى جبنة ضاني النوع التالت، وهو الجبنة القديمة أو المِش، وهو مصر

ارتبطت الاكتشافات الكبيرة والصغيرة حتى في أرجاء الكوكب خلال أخر 500 سنة الرحالة والمغامرين الغربيين سواء الاكتشافات اللي حصل في أفريقيا أو للعالم الجديد الأمريكتين الشمالية والجنوبية ولجزر المحيطات لكن مع الوقت ومع زيادة الدراسات في موضوع الاكتشافات دي، بيتضح إن كان في شعوب وأشخاص تانيين من الشعوب الأصلية كانوا موجودين قبل الرحالة الغربيين، ومنهم مكتشفين القارة المتجمدة القطبية الجنوبية "أنتاركتيكا"  لكن مشكلة الرحالة الأوائل الأصليين دول إنهم افتقدوا لتوثيق وتسجيل رحلاتهم عكس الغربيين، واعتمدوا على والتوثيق الشفهي اللي اتناقلته أجيال عبر أجيال بشكل رسمي موجود تاريخ اكتشاف القارة الجنوبية في سنة 1820 على يد بعثة علمية روسية (في جدل حولين مين اللي شافها الأول هل هما الروس والبريطانيين)، ومنا بعدها اتوالت بعثات غربية للمنطقة  وتعتبر القارة المتجمدة هي أخر مكان في العالم يتم اكتشافه في التاريخ المسجل  لكن في دراسة جديدة اتنشرت السنة اللي فاتت في مجلة الجمعية الملكية لنيوزيلندا، عملت دربكة في الموضوع دة، لإنها قالت إن اكتشاف القارة المتجمدة مكنش من 200 سنة على يد الغربيين لا دة ك

في ثقافتنا الشعبية كـ مصريين فـ غالبيتنا العظمى بيميل للشاي أكتر من القهوة، من الصعيد للدلتا من غرب البلد لشرقها وجزء أساسي من واجب الضيافة في ثقافتنا مع ارتباط القهوة من سنين طويلة بفئة خاصة من الناس، رغم الإحصائيات الأخيرة اللي أكدت تزايد استهلاك القهوة لكن لا مقارنة طبعا مع حجم استهلاك الشاي رغم إن الشاي هو المشروب الأول والمنتشر بين المصريين، لكن المكان المُحبب خارج بيوتنا اللي بنقضي فيه أوقاتنا مع الأصدقاء سمناه "قهوة" مش شاي.. مُسمى قهوة من مشروب القهوة طًبعا ودة خلى يجي في بالي سؤال يمكن كتير مفكرش فيه قبل كدة.. لية القهوة الشعبية (المقهى) اسمها قهوة مش شاي؟ تفسيري الشخصي للموضوع دة هو التاريخ بيرجع تاريخ مشروب القهوة في مصر لنهاية القرن الـ15، وانتشرت خلال عهد محمد علي باشا مع بدايات القرن الـ19 مع زيادة عمليات تهريب البن اليمني من مدينة جدة لمدينة القصير على ساحل البحر المتوسط  وبقى ليها أماكن خارج البيوت بتتشرب فيها، أماكن بالأساس كانت بتقدم المشروبات العُشبية البسيطة من اليانسون والزنجبيل والقرفة، وانضمت لهم القهوة  مع مرور الوقت دخل الدخان بأنواعه مصر وانضم للمشار

  غالبًا لما يتذكر اسم دولة "بوركينا فاسو" دايما بيتبادر في الذهن السخرية الشائعة عن اسم الدولة بسبب تكرار الموضوع دة حتى على الشاشات في الأفلام والمسلسلات المصرية والعربية  اسم الدولة وراه قصة وطنية وعظيمة جدًا، كان بطلها الرئيس الثوري الأفريقي توماس سنكارا، قرر يستبدل الاسم الاستعماري لبلده من "فولتا العليا" للاسم الأصلي ليها  اسم بيعبر عن شعبه.. اسم بيحمل هوية وتاريخ البلد ويدل على التوافق والتنوع اللغوي في بلده، فـ اختار اسم "بوركينا فاسو" سنة 1984 اسم بوركينا فاسو ترجمته الحرفية "فاسو" يعني أرض/وطن/ بلد وكلمة "بوركينا له كذا معنى وهما: الأحرار/الأشراف/الطيبين/الأطهار أو الطاهرين  وتوماس حرص على التسمية دي عشان يكون هو الاسم الأنسب اللي يتوصف بيه بلده وشعبه الثائر اللي اتخلص من الاستعمار الغربي تسمية "بوركينا فاسو" مميزة كمان إن معانيها موجودة في اللغات المحلية للشعوب الكبيرة في البلد،  فـ كلمة "بوركينا" معناها في لغة موشية معناها "الأصليين" وفي لغات الجولا والبمبارا "الأحرار/الأشراف"، وكلمة "