أبنوس | Ebony

ارتبط العيد في الثقافة المصرية بأمور كتير زي شراء اللبس الجديد، وكمان حمومة/استحمام في وقفة العيد استعداد لاستقبال العيد طبعًا الحموم بيحصل في الأيام العادية لكن حمومة ليلة الوقفة بتكون مختلفة، وهي مرتبطة بمبدأ الطهارة استقبالًا للعيد/مناسبة سعيدة، ودي عادة قديمة إتبعها المصري القديم من آلاف السنين التطهر يعتبر من أهم الشعائر الدينية اللي اتميزت بيها الحضارة والديانة المصرية القديمة، سواء كانت الطهارة الجسدية أو المعنوية أو طهارة البيت والمعبد وغيره وكانت مختلفة عن الاغتسال اليومي حتى لفظيًا كلمة تطهر كانت بيشار ليها "BW" والاغتسال اليومي "qbb" وكان في الأعياد الدينية بيتطهر بالاغتسال كامل جسمه بماء النيل لإزالة النجاسات، ويلبس الملابس الطاهرة والنعلين الطاهرين النضيفن ويروح المعبد والمصري القديم شبه الموضوع دة كإنها رحلة روحانية مقدسة هدفها غسل الروح وتطهيرها من الذنوب وكان شرط أساسي لدخول المعبد لأي شخص سواء من الكهنة أو عامة الشعب أو الملك نفسه هو إنه يكون متطهر المصادر: - التطهر فى مصر القديمة: أصل فكرته المقدسة، د/رحاب باظة - الأسرة المصرية فى عصورها القديمة، ع

 ثقافة شعب الغجر (أو الاسم الأخلاقي لهم الروما) مش معروفة أوي لباقي الناس على الرغم من انتشارهم في أرجاء كتير من دول حوض البحر المتوسط والشرق الأوسط وشرق أوروبا، خاصة في المناسبات والأعياد الخاصة أيام قليلة وهتبدأ احتفالات الغجر/الروما في جنوب شرق أوروبا بعيد الربيع "عيد إيديرليزي/ القديس جورج" اللي بتبدأ الاحتفالات به من 23 أبريل الاحتفال بعيد إيديرليزي بالأساس مرتبط بشعب الروما لكن كذلك بيحتفل بيه تقريبًا كل شعوب منطقة جنوب شرق أوروبا من الصرب والبوسنة والكروات والبلغار والرومانيين وبعض الأتراك ولإن الاحتفال بالأساس اجتماعي بيحتفل بيه الجميع سواء كانوا مسيحين أو مسلمين لو رجعنا لجذور عيد إيديرليزي، هنلاقيه مرتبط بالطقوس الوثنية المرتبطة بإحياء الطبيعة مرة تانية استعدادًا لوصول الربيع والطقوس دي موجودة من زمان جدًا عند شعوب البلقان، واتنوعت ما بين طقوس ذبح الغنم والاستحمام في النهر والينابيع والقنوات المائية، وإشعال النار ، والتزيين بالورود والزهور والنباتات ونشر تعابير الحب والجمال مع الوقت بعد ظهور المسيحية اتمسك شعب الروما وشعوب البلقان ككل بإحياء عيد إيديرليزي كل سنة، لك

  عهد المماليك يعتبر من أكتر العهود اللي أثرت على مصر والمصريين والثقافة المصرية بشكل جذري سواء سلبًا أو إيجابًا وحصلت وقائع كبرى أبرزها صد الزحف المغولي اللي أباد شعوب ومحى دول وممالك وعواصم منها بغداد مركز الدولة العباسية نفسها لكن مماليك مصر واجهوا الغزو وانتصروا وكمان واجهوا الهجمات الأوروبية على مصر والشام للاستيلاء على بلاد الشرق والقدس، وانتصروا برده بفضل مزاياهم العسكرية والفروسية العالية جدًا لكن من الجوانب السلبية في المماليك هو إنهم كانوا بيمتازوا بصفات سيئة بسبب نشأتهم في بيئة غريبة ومضطربة مفاهيم الشللية والانتقام الجنسي والمهموز والمجاملات الزايدة عن الحد والزُمبة و"البتاع" والجدعنة والمنظرة وحاجات كتير زي دي بالأساس هي جزء من التراث المملوكي اللي تسلل في الثقافة المصرية وموجود لحد دلوقتي المماليك كانت حياتهم غريبة، كانوا بينقسموا حسب كل مجموعة منهم تابعين لأنهي أمير، فكان في تنافس قوي ودموي بينهم لكسب ولاء الأمير والسلطان وللوصول لمكانة معينة وبسبب دة ظهرت مصطلحات "الإسفين والبع**ص والزومبة والمهموز " اللي بنرددهم دلوقتي وبنفس المفهوم الحالي بالظبط لإ

زي النهاردة من أكتر من 5 قرون تم إعدام الأشرف أبو النصر طومان باي آخر سلاطين المماليك الشراكسة على يد العثمانيين بعدما اتهزم في  معركة الريدانية سنة 1517 واتنشق على باب زويلة  بـ قتل طومان باي انتهى عصر الدولة المملوكية بشكل رسمي لكنهم استمروا في حكم البلد لبعد كدة لـ4 قرون بل سلالتهم موجودة حاليًا في مفاصل الدولة المصرية.. مثلًا عائلة سوزان مبارك "عائلة ثابت" من أصل مملوكي عصر المماليك يعتبر هو من أكتر العصور غموضًا في تاريخ مصر ، مش معروف عنه معلومات كتير رغم إنه امتد لـ 3 قرون، هو بشكل رسمي المماليك/ الرقيق اتولوا حكم مصر من قبل كدة بكتير تحديدًا في القرن العاشر الميلادي  على يد أحمد بن طولون اللي أسس أول دولة مستقلة إسلامية في مصر وكان في أمراء وولاة مماليك بارزين في عهده زي يزيد بن عبدالله التركي وعلي بن يحيى الأرمني وأزجور التركي لكن مع الوقت انحسر مفهوم العصر المملوكي بالعصرين مماليك البرجية الشراكسة ومماليك البحرية التركمان خلال التاريخ دة المماليك اتعرضوا لأكتر من ضربة قاتلة أولها اغتيال طوبان باي والتانية من محمد علي باشا مؤسس مصر الحديثة واللي يعتبر نشأ نشأة مملوكي

  بعد ما كتبت عن "تاتامخولو" الشاعر والأديب والمناضل الجنوب أفريقي من أصل مصري، حبيّت استمر في الموضوع دة واعمل سلسلة عن شخصيات مؤثرة في مجتمعات حولين العالم، من أصول مصرية كانت بالبداية بـ"تاتامخولو"، ودلوقتي هتكلم عن أيقونة الأغنية الألبانية الريفية والأوبرا، وواحدة من أشهر وأعظم مغنيين القرن الـ20 في ألبانيا، السوبرانو تفتا كوتشو اللي من أصل مصري! وتبتدي حكاية تفتا مع مصر، بعائلتها مش والدها بس لا جدها، جدها هو أثاناس تاشكو، ولازم أقول نبذة عنه لإنه من الشخصيات الجوهرية والمؤثرة بالنسبة للألبان المصريين وفي تاريخ دولة ألبانيا المعاصر  اتولد أثاناس في مدينة كورتشا جنوب ألبانیا، وهاجر منها وهو شاب لمصر وبالتحديد للفيوم (جنوب القاهرة) وكان أثاناس صحفي فاتنقل معاه شغفه بالكتابة لمصر وأسس مجلة ألبانية ساخرة، وبعد استقلال ألبانيا سنة 1912 عن الإمبراطورية العثمانية، قرر الرجوع لوطنه الأم لكنه مقدرش يتأقلم مع الحياة الجديدة هناك ورجع تاني للفيوم وقضى حياته فيه لحد وفاته وبالمناسبة لازم أذكر إن أثاناس كان هو رئيس الجالية الألبانية في مصر، ومن أبرز الألبان المصريين في الفي

 الترابط والتقارب بين الشعوب حقيقة وواقع مهما بعدوا عن بعض، وخاصة في قارتنا الأفريقية، أفريقيا مننا وفينا، وشاعرنا ومناضلنا تاتامخولو أفريكا نموذج على دة في 7 ديسمبر سنة 1920 اترزق المواطن المصري فؤاد ناصف في مدينة السلوم، بطفل جميل من زوجته التركية، سماه محمد محمد اللي اتكتب عليه حياة غريبة عجيبة غير مستقرة أبدًا، طاف خلالها بلاد وأماكن كتير وشاف كل شيء، الويل والموت وكمان النجاح والشهرة كانت البداية ومحمد لسة رضيع عمره تقريبا سنتين قرر والده إنهم يهاجروا من أقصى شمال القارة لأقصى جنوبها، تحديدًا لدولة جنوب أفريقيا وفيها شاء القدر إن فؤاد وزوجته يتوفوا بسبب فيروس الأنفلونزا ويسيبوا ابنهم محمد وحيد يتيم، فـ اتبنته أسرة بيضاء مسيحية بروتستانتية ميثودية وغيّرت ديانة الطفل لديانتهم وسمته جون، جون كارلتون، وأخفوا عنه إنه مش من صلبهم ومتبنينه كِبر الطفل اتعلم القراءة والكتابة، وكبر معاه حبه وشغفه بالكتابة الأدبية بشكل فريد، لدرجة إنه نشر أول رواية له وهو عنده 17 سنة بس، وكانت اسمها "الأرض المكسورة" حصل اضطراب تاني في حياة محمد/جون بإن أسرته اعترفت له إنه مش من صلبهم وإنه مش من الع

  "تشاو هون لام" رسام ماليزي بدأ من سنة 2020 في إطلاق رسومات كاريكاتورية كوميدية لنشر المشاعر الإيجابية والألفة بين الناس، من خلال شخصيات لحيوانات من الحياة البرية. ابتكر شخصية "Gator" التمساح الودود الطيب اللي بيساعد أصدقاءه الحيوانات وبيقدم لهم إيد العون، وبينشر المشاعر الإيجابية والمحبة. أجريت حوار مع "لام" حولين مشروعه اللي سماه "Buddy Gator" وعن الشخصية الرئيسية للرسومات، وسبب اختياره لحيوان التمساح قال "لام"، عن إزاي جات له فكرة شخصية التمساح الودود وأصدقاءه، قال "فكرت في تقديم مسلسل كوميدي بشخصيات حيوانات لطيفة، لإن معظم الشخصيات اللطيفة اللي بنشوفها في حياتنا هي حيوانات جميلة زي دمى الدببة والأرانب والهامستر وغيرها". وفكرت في تقديم شيء لطيف وفريد في نفس الوقت عشان كدة اخترت التمساح. - هل لاقيت صعوبة في تحويل الصورة النمطية للحيوان (التمساح) المخيف إلى شخصية وديعة بتحب الآخرين وبتساعدهم؟ أيوة، دة تحدي، خاصة مظهر الشخصية، بحاول إني أقوم بالمراجعة مرات كتير عشان أوصل للمظهر النهائي للشخصية واللي وصلت ليها دلوقتي  - إية ال

"Chow Hon Lam" is a Malaysian illustrator who started in 2020 launching comic cartoons to spread positive feelings and intimacy among people, through characters from wild animals. He created the character "Gator", a kind and friendly crocodile who helps his animal friends and gives them a helping hand, and spreads positive feelings and love. I had an interview with "Lam" about his project, which he called "Buddy Gator", and about the main character of the drawings, and the reason for choosing the crocodile. Lam said about how he came up with the idea of a friendly crocodile and his friends. He said, "I thought of presenting a comic series with cute animal characters, because most of the cute characters we see in our lives are beautiful animals like teddy bears, rabbits, hamsters, and others." I thought of offering something cute and unique at the same time, that's why I chose Crocodile. - Did you find it difficult to transform the s