تدريس التاريخ النوبي

تدريس التاريخ النوبي في مناهج التاريخ في المراحل الدراسية المختلفة شئ مهم جداٌ و لازم منغفلهوش لأن لازم الكل يعرف أن للنوبين تاريخ و أن للنوبة حضارة عريقة لا يستهان بها , و أنهم أصحاب حضارة مش غزاه ولا جالية ولا بربر او همج زاي ما قال ناس منتمية لجماعة ( دماغهم تعبانة ) لغرض تشوية النوببين ,, انا شخصيا شايف ان تدريس التاريخ النوبي من المفترض انه يكون من ضمن أولويات الحقوق اللي المفروض نطالب بيها مش يكون يكون مطلب أساسي و رئيسي مش ثانوي أو مطلب أقل أهمية . بحزن لما بتكلم مع شخص غير نوبي عن تاريخ النوبة و يستغرب ان للنوبة تاريخ و حضارة السبب في دة ان مفيش ذكر للحضارة النوبية في المناهج او النوبة بشكا عام الا في نقطتين  فقط و هم ان الملك الفرعوني الفلاني أرسل حملاته لأطفاء الثورات النوبية في الجنوب او الملك العلاني أرسل رجاله لجلب الذهب من النوبة , فقط هي دي ذكر النوبة في كتب التاريخ . النعليم بيتعمد إغفال ذكر الحضارة النوبية عمداٌ و ذاكر جميع الحقب و الحضارات اللي قامت في مصر باستثناء النوبية !! مش عارف لية السبب في دة كله , هل لان واضعي المناهج و القائمييين علي العملية التعليمية و رجال التعليم و مسؤليه يستعرون من الحضارة النوبية , هل لانها قليلة التأثير علي مصر ؟. و لكن دة تاريخ و التاريخ لازم يذكر سواء كان له أهمية كبيرة او له تأثير او تأثر كبير فهو تاريخ و تاريخ جزء أصيل من الشعب المصري ,, أتمني ان القائميين علي العمليةة التعليمية ان ينظروا بعين من الاحترام و التقدير لحضارات المصريين كل الحضارات لا تققل او تهمش او تغفل اي منها لانه تاريخ و حضارة أثرت في الانسانية و لو مش هيذكرها فهي في عقولنا و قلوبنا نفتخر بيها