تخاااريف

انا من بدري و انا ليا انطباعات ساذجة علي الاتجاهات السياسية هي ممكن مش حقيقية او غير موضوعية لكنها مجرد تخاريف

الليبراليين : ناس بتحب الفلووووس و بتجري وراها مش مهم اي حاجة حتي ولو مش هيحققوا اللي بيقولوا ديمقراطية و بتنجان المهم الفلوس اللي هتيجي بطريقة غير مباشرة ( استثمارات و مشاريع و غيرهم )

العلمانيين : عالم بتتفلسف برده زاي الشيوعيين و فاكريين نفسهم انهم هم بس اللي عندهم مخ و الباقي مش بيفكروا او مش عندهم مخ أصلا و بيقولوا كلام حلو لكنه بعيد عن الناس مش بيدوروا علي انهم ازاي يكونو بين الناس زاي اليساريين


اليساريين و الاشراكيين : ناس بتحب الشعارات الكتير و عالم فقرية قوي بيكرهو الفلوس و بيحقدوا علي الاغنيا و نفسهم العالم كله يفلس !!!

الشيوعيين : ناس بتتفلسف دماغهم متكلفة و بيقولوا مصطلحات و كلام مجعلص ( بلوروتاريا و امبريالية توسعية و برجوازية ) كلام تحس انهم اصلا مش فاهميين بيقولوا اية


الأصوليين ( أخوان ) : عالم بتحب السلطة زاي عنيهم و أكتر كمان و لا بيدوروا علي تطبيق شريعة و لا يحزنون و أكتر ناس بيعرفوا يخلوا الشعب في صفهم

الأصوليين ( تيار السلفيين بالعموم ) : الناس دول نيتهم سليمة و عايزين يعلموا حاجة لكن بيقولوا حاجة و الزاقع حاجة تاني خالص و بتوع شعارات برده

حزب الكنبة : او حزب المكبرين دماغهم الناس اللي بيقولوا انهم ملهومش في السياسة و ناس رايقة و فايقة و فكين نفسهم من اي حاجة و فاكريين انهم بكدة هيعيشوا و دمغهم مظبوطة لكن العكس اللي بيسعي لتغيير بلده للأفضل احسن من اللي قاعد و مستني المسلسل التركي و بيشرب كابتشينو ( مش عارف اشمعني الكابتشينو لكن اهو جات كدة بقي :) )