عاوز أعيش في النوبة

ياااااا لو كان  عندي بيت نوبي  جميل ملون واااسع له حوش كبير  سقفه السما الزرقا  و جنبه أرض ازرعها خير  نخيل و أشجار  مثمرة و نباتات وورود و نعناع ..

بيت يكون  بيطل  علي النيل مباشرة  أول  ما أصحي  اول شئ تقع عليه عيني  هو النيل  و  أصبح عليه  ..

بيت يكون في جزيرة في وسط النيل بسيط و هادي بعيد عن  الكلاكسات و الدوشة  و المدنية  و عصر الألة  اللي  اهلكت الأنسان و  أفقدته أحساسه بجمال الطبيعة  ..

من غير فيس بوك  ولا  نت ولا تلفزيون ولا اي  شئ يربطي  بالعالم  الخارجي  بأستثناء  موبيل  علشان أتصل بأهلي  ..

حياة  بدون سياسة  بدون نكد ولا  هموم بلا زهق  بدون اي شئ ,فقط  حياة  بسيطة هادية ..

تكون في بسكلتة أروح بيها الشغل  علشان أكون صديق  للبيئة اللي عايش  فيها و أشتغل مصوراتي  أصور  جمال الطبيعة اللي  جوليا  ..

و لما أرجع من الشغل  أروح اقعد  علي شط النيل  أغني و  أغني  و أفرح اني  عُدت  عُدت لبيتي  ...

انا واثق  اني هيجي اليوم  اللي هحقق فيه كل  دة و  هفضل طول  حياتي  أحلم

سنعود يوما لا محال