شهادتي علي أحداث 5 يوليو 2013 ( أشتباك الأخوان مع المتظاهريين في ميدان عبد المنعم رياض )

لن أنسي أبدا يوم 5/ 7 / 2013 لما كنا في جمعية أطباء التحرير انا و  عابد البنا  و  سارة عادل و فجأة سمعنا ان الأخوان هيهجموا علي ميدان التحرير للأنتقام من الناس اللي في الميدان اللي بتحتفل
و سمعنا من الأخبار في التلفزيون ان الأخوان جايين من رمسيس و في مجموعات تانية جايين من ناحية ماسبيرو لأتجاه عبد المنعم رياض ويقتحموا ميدان التحرير , فنزلنا روحنا المستشفي الميداني في جامع عمر مكرم و لقينا كم الأصابات من الناس اللي كانوا متظاهريين في ميدان عبد المنعم رياض و حصل أشتباكات معاهم علي كوبري ( 6 أكتوبر) و في الميدان و حصل أصابات كتير و لما كنت في المستشفي الميداني في جامع عمر مكرم بساعد في إسعاف المصابيين كنت بسأل المصابيين عن اية اللي بيحصل برا

كانوا بيقولوا ان الأخوان جايين من المكانيين اللي ذكرتهم رمسيس و ماسبيرو و عملوا كماشية علي ميدان عبد المنعم رياض و ضربوا ناس في الكوبري وواحد من ضمن اللي كنت بتكلم معاهم اتصاب فوق الكوبري بخرطوش كان في جسمع ما لا يقل عن 10 بلي خرطوش اغلبهم في القدم و الرجل و البطن
و قال تاني ان الأخوان جاييين و معاهم شوم و طوب و خرطوش و في معاه حي و هو و صاحبه اتضربوا بخرطوش و شخص تاني كان في بلية في عنيه .

فضلنا في المستشفي ساعات و كل لحظة نلاقي في إصابة جاي و بيكتروا و عماليين نسأل بعضنا هم فين قوات الجيش و الشرطة توقف الأخوان و تصدهم عن دخول ميدان التحرير ؟
ولو دخلوا الميدان هتبقي مجزرة لان في عبد المنعم مكنش في متظاهريين كتير و في منهم لما حصل ضرب دخلوا للميدان من المتظاهريين

و كنت من الوقت للتاني بخرج من الجامع الف في الميدان اشوف اية الدنيا و اية أخر التطورات و المفارقة الغريبة بقي الناس في الميدان موجودة و بتهيص و بتهتف و بتغني الاغاني الوطنية بالرغم من ان كتر الكلام اللي بيقول ان الأخوان علي أبواب الميدان خلاص موجوديين في ميدان عبد المنعم رياض و ممكن يقتحموا التحرير في اي لحظة و تحصل مجزرة لكن مع ذلك الناس باقية و موجودة و هو دة اللي كان مشجعني و مفرحني اني أبقي في المستشفي طول اليوم انا و أصحابي

ولحد ما سمعنا من الأخبار ان خلاص الجيش نزل ماسبيرو و جيه عبد المنعم رياض و أستريحنا و قولنا الحمد لله و الاشتباكات هديت مع الوقت و الأخوان هربوا لكن السؤال اللي لحد اليوم بسأله

هو اية سبب تأخر نزول الجيش و الأمن كل الساعات دي ؟؟

حادثة يوم محاولة الأخوان أقتحام ميدان التحرير و اشتباكات ميدان عبد المنعم رياض كانت أخر موقف ليا مع الأخوان و بسبب اليوم دة أتأكدت عن يقين ان الأخوان خونة لا عهد لهم ولا سلام و ممكن يقتلوا اي شخص يقف في طريقهم زاي ما قتلوا الشباب في ميدان عبد المنعم رياض و أصابوهم ,
الأخوان قبل ما يتقتلوا في رابعة قتلوا كتيييييييييييير قبل رابعة و بدم بارد و بيتناسوا كل جرايمهم و منها يوم 5 يوليو 2013 و الأتحادية و المقطم و غيرهم و غيرهم

رحم الله جميع الشهداء

‫#‏اخوان_كاذبون‬
‫#‏اخوان_قتلة‬
‫#‏اخوان_ارهابيون‬