طريق الشمال بديلًا عن قناة السويس!

بعد دعوة الصين شركات الشحن لعبور طريق الشمال ( شمال قارة أسيا) بدل من ‫قناة السويس‬، بقى في تهديد جديد لقناة السويس بجانب مقترحات كتير تانية لاستبدال قناة السويس، منها قناة بنما وكان أبرزها العودة لسلك طريق رأس الرجاء الصالح.

قناة السويس من أكبر مصادر الدخل الأجنبي لمصر بأكتر من 5 مليار دولا سنويًا، لكن بالنسبة لشركات الشحن الكبيرة دايمًا بتبص لتوفير الفلوس ورسوم العبور والوقت، بالنسبة لهم قناة السويس على الأغلى من ممرات مائية تانية كتير، حتى ولو المسافة هتطول لكن المهم توفير النفقات هو الأولوية عن توفير الوقت، خصوصًا بعد انخفاض أسعار البترول ( وبالتالي تكلفة وقود السفن قلت) دة شجعهم على إنهم مش مشكلة يبحروا لمسافات طويلة أكتر المهم توفير فلوس الرسوم، وهو اللي بالفعل تم خلال الشهور اللي فاتت زادت بشكل ملحوظ السفن ( 114 سفينة خلال أخر 6 شهور) اللي عبرت من طريق رأس الرجاء الصالح .

ميزة طريق الشمال هو إن الرسوم أقل والمسافة أقصر كمان من طريق قناة السويس، فطريق الشمال من مدينة بوسان الكورية لروتردام الهولندية طوله 15 ألف كم ، وطول طريق من جنوب أسيا لقناة السويس، 22 ألف كم، وبيوفر وقت أقل من قناة السويس بـ 15 يوم كامل.

أهمية قناة السويس عالميًا بقت أقل وبتقل أكتر وأكتر مع مرور الوقت ودة بقى أمر واقع، وبيخلينا نفكر هل كان مشروع تفريعة قناة السويس اللي كلف 60 مليار جنيه له جدوى وإية هي فايدته دلوقتي؟

حتى بعد التفريعة الجديدة واللي كان هدفها هو تسهيل عبور السفن وتقليل ساعات العبو و الانتظار لكن بالرغم من ذلك برده قناة السويس هي الأطول من بنما، 
قناة السويس السفينة محتاجة تاخد 18 ساعة للعبور أما بنما محتاجة بس 10 ساعات ! ..