في عالم موازي

انا مواطن في جمهورية مصر الافريقية
و غالبية السكان من أصحاب البشرة السوداء  ، و أصحاب البشرة الأفتح هم أقلية هامشية في المجتمع .

دستور مصر بينص علي ان اللغات الافريقية هي اللغات الرسمية للدولة بس و ( لا ذكر للغة العربية ) ،

 هم طالبوا   قبل  كدة كذا  مرة  ان لغتهم العربية  الدولة تعتبرها  كلغة  محلية  حتي  بما  أنها  لغة  أصلية  , لكن طبعا الدولة  مش بتستجيب لهم ولا  عاوزة تستجيب  ,   علشان احنا  دولة  افريقية  و لغتنا  الرسمية  هي  الأفريقية  و  هي  هويتنا   و بس  .

الدولة بتعترف بالتاريخ الافريقي للبلد  بس و التاريخ العربي ملهوش اي ذكر و كمان احنا بنحتقر التاريخ العربي و الثقافة العربي  .
عشان نراضي العرب و نسكتهم فسامحين لهم يعملو مهرجانات و حفلات غنائية عشان يعرفوا سكان مصر بثقافتهم و فنهم العربي المهمش .
كمان الدولة هجرت المواطنين العرب اللي ساكنيم في جنوب مصر 4 مرات عشان تمحي ثقافتهم
و ده خصوصا  من بعد المد الإفريقي اللي حصل و نشر الفكر الإفريقي و القومية الافريقية .

العرب بنبصلهم انهم بيض عننا و بشمئز من لونهم و بالدونية لهم ،
و انا راكب المترو لقيت شباب روشين عمالين يدايقوا واحد عربي ابيض  و يقولوا يا ابيض يا وش الحلة  يا ابيض يا بربري
اية كوباية اللبن اللي واقفة دي  .
بس الناس عادي محدش قال حاجة هم  بيسمعو الكلام ده و يسكتو .

حتي ان كل شوية في السينما يجيبو ان العربي سفرجي  و بواب بس و عمرهم ما عملو فيلم بطله عربي و يتناول  حياة  العرب  .

انا  ليا  كذا صاحب  عربي  انا بحبهم اوي  شخصيا  علشان هم طيبيين  و بيشتهروا بالامانة  و  هم جدعان  

أنا  و ناس  كتير بنبص  للعرب  انهم لهم ثقافة  مميزة و  فنهم  مميز بس 

 انا  اه  أحبهم علشان فنهم بس  انا  مش  مهتم بالقضية العربية  و  حل  مشكلات  العرب  

العرب  بالنسبة لينا مجرد فلكلور  و حفلات  غير  كدة لا   بكبر  دماغي  منهم  ,

ممكن اهتم بيهم  لو  انا  فنان  علشان أظهر  فني  و أظهر  بيئتهم العربية القديمة قبل  التهجير ات  مثلا 


بس المشكلة  الأساسية  في  الموضوع هي  جمهورية  مصر الافريقية  مش بتهتم بالثقافات التانية  و علي  رأسها الثقافة العربية  و بتهمشها و بالتاريخ و الحضاررة  العربية  ؟؟
لية   مفيش قوانيين  تدين  اللي يرتكب  عنصرية  سواء برسم او  بعمل  فني  او  بلفظ  للعربي  و يقوله  (  يا  وش الحلة  او  يا  ابيض  او شكولاتة بيضا  او  يا بربري  او  , ألخ )

لية  الدولة   عارفة  و  ساكتة   و بسكوتها  دة بتشارك في  اللي بيحصل ! ..