الإنسانية أفضل

انا  مش متفق  أبداً مع الأخوان  في  شئ  و ضد إيدلوجيتهم  و  مش مقتنع  خالص  بفكرة  تطبيق الشريعة  و انها  هي  اللي  هتخلي  البلد  دي  و غيرها  تتقدم !!

و مش  متفق  مع الربعاوي  ( أخوان  و سلفيين  و  غيرهم  )  سواء  اللي  بيقولوا  منهم  انهم  عاوزيين  مرسي و الشرعية   او  اللي عاوزين  القصاص  من السيسي  !  .

لكنانا  متعاطف  معاهم  إنسانياً زاي  ما  متعاطف  مع اي  إنسان  مظلوم و بيتظلم  مش ببص  علي  فكرهم السياسي  اية  ولا  عقيدتهم  ولا دينهم  و لا علي  أي  أساس  ببص  علي  إنسانيتهم   حتي  ولو   عملوا  حاجات  ضد الإنسانية  لأني  في  الأخر  #إنسان   .

عارف  إنهم و غيرهم  بيتظلموا  و  في  جزء  منهم بيمارسوا  الأرهاب  و  العنف  ( شوفت  بعيني )  و  في الجزء الأكبر  منهم   بيستمتعوا  بالعنف و  الإرهاب  و  إنهم يشوفوا  إنسان   يتأذي  ( أفراد الشرطة و  الجيش)  , و بيعتبروا  دة إنتصار  لقضيتهم  و  نضالهم   و ثورتهم  !!

و بصرف النظر  عن  مدي إتفاقي  او  اختلافي  معهم  و مع أفكارهم و انا  مع أن  اي  شخص يعبر  عن رأيه  بحرية  ( بسلمية  )  حتي  ولو  مش عاجبني  أفكاره  و  كلامه  لكن ده حق  أساسي  له  .

لكن فعلاً انا  شايف  ان  كل  اللي بيحصل  دة هم  الخاسر الأكبر  و  في  خساير  من الجانب  التاني  الشرطة و  الجيش  لكن دائما  الجانب  المعاكس  للشرطة بيكون  هو  الخاسر الأكبر  .

لكن في  النهاية   البلد هي  اللي بتخسر  أبناء  لها  و  برده في  النهايو  الأمر  مش في  أيديهم    و  مش هيوصلوا  لشئ  و لا  مرسي  هيرجع و لا  هيتم القصاص  الا  لما  الناس  اللي فوق  تكون  عاوزة كدة و  تعمل  محاكم للي  أجرم  ..

هم مش بأيدهم  شئ  و  كل  اللي  بأيدهم  انهم يتظاهروا  و  منهم  اللي  يقتل  و  يدمر  و يحرق  و  الدنيا تبوظ أكتر  و  أكتر  و الإلتباس  و  التعقد في  المشكلة  يون  أكتر و  أكتر  و  الحق  يضيع  ما بين  الجميع  ..

الكل  مخطئ  مفيش  شخص  عنده  الحق 100%  ولا  90 %  لكن لو  كله  قال  الطرف التاني  هم  المخطئ  و  أنه  برئ   و  شوف التاني بيعمل  إية   المشكلة  مش هتتحل  أبدا  ة  هتفضل  في الدوامة دي  طول  العمر   ..ِ