الجامعة مكان علم لا سياسة

قبل ما تكون الجامعات منبر و مكان تاريخي للمظاهرات و الإحتجاجات عبر تاريخهم و خصوصا جامعة القاهرة . 
فقبل كل شئ الجامعات مكان مخصص بالأساس للدراسة و العلم و التعلم دة و ظيفتها الأساسية و المظاهرات و الاحتجاجات في الجامعة و استغلال الجامعات كمكان للتظاهر دي وظيفة و دور ثانوي مش أساسي 
تعطيل الدراسة عشان خاطر المظاهرات دة خطأ كبيير و مش مبرر لإبداء حرية الرأي والتعبير و الفكر ،،
لازم نراجع و نفكر هي الجامعات معمولة و أنشأت لية أصلا ؟؟!!!
إذا كانت المظاهرات اي كان مين اللي عملها اي كان من اي تيار او طرف و كانت المظاهرات دي هتعطل العملية التعليمية و هتعرض الطلاب للأذي و ألاخطار ، فأنا في الحالة دي ضد النظاهر في الجامعات  ..
و اذا كان الطلاب مش مؤتمنيين علي نفسهم و ممكن في اي وقت خلال مظاهرة يتم ضرب و ناس تتأذي و حتي أزاااي حد هيركز في دراسة او امتحانات في ظل الحالة الفوضوية في الجامعات دي .. و مسلسل اقتحام الكليات و ضرب الطلبة في داخل الكلية في المدرجات دة اية .. الممارسات الخطأ كتير ... و الجامعات مكان علم و السياسة في الجامعة مش اساسي لانها ممكن تتمارس في اي مكان لكن انا لو مش عارف ادرس و امتحن في جامعتي في كليتي هدرس و امتحن فين ؟!  ..
انا ممكن امارس سياسة في حزب في حركة في الشارع في اماكن كتير و بطرق كتير لكن انا كطالب جامعي تعبت عشان اوصل للكلية و مش مؤتمن علي حياتي و قلقان ليحصل اي حاجة في الجامعة و عنف من الاطراف السياسية و الأمنية و وقت الامتحانات كان المسلسل دة شغال برده و حالة فوضي .. ازاااي هدرس و هتعلم و الاهم همتحن ازاي و هجيب منين تركيز انا هركز في دراستي و مستقبلي ولا هفكر اني هروح ازاي من الجامعة من غير ما أتأذي او حتي اكمل امتحاناتي !!

..... أريد تعليم جيد في ظروف أمنة في جامعة أمنة في وطن أمن ،،،،