الثقافة النوبية قوية

الثقافة النوبية  ثقافة  قوية جدا و مؤثرة  بشكل  كبير جدا  حتي  علي  الثقافات القوية التانية  . أقوي الثقافات  في المحيط اللي  عايشيين فيه , الثقافة  العربية و الثقافة التركية 
فلما أحتكت الثقافات العربية  و التركية بالثقافة  النوبية  في  بلاد النوبة  خلال  فترات  ما بعد الغزو  العربي  و  من بعده الغزو التركي لبلاد #النوبة  كانت  الغلبة للثقافة  النوبية 
فأحتوت الثقافتين  و هضمتهم   بكل  ما  فيهم و سادت هي  و أثرت  علي  الجميع و " نَوبتهم"  .
الثقافة  النوبية  زاي  كل  الثقافات المحلية  التقليدية  في  العالم   و حتي  في مصر  بتعاني 
من جمود و شوية  تراجع   زايها زاي  الثقافات  التانية  في مصر  لكن بالرغم  إن النوبية  عانت  من شئ الثقافات التانية  متعرضوش  له  و هو  الإبعاد عن المكان و البيئة  اللي  نشأت فيها الثقافة  دي  ,  من بعد التهجير  و إبعاد الإنسان النوبي  عن الأرض  إبعاد  الثقافة  عن  مكان  ميلادها  ووجوودها  لكن  بالرغم  من كدة و بالرغم  من مرور  أكتر  من 117 سنة علي أول  تهجير  للنوبيين  إلا  إن ده ممنعهمش  من إنهم  يمارسوا ثقافتهم  عاداتهم و تقاليدهم  و لغتهم  في  البيئة الجديدة اللي  إتهجروا  لها  ,
التهجير  أثر  كتير  بالفعل  علي  كل شئ  يخص النوبيين  و النوبة  لكن بالرغم  من ده  فالثقافة  موجودة  و بالرغم  من كل  الظروف  و كل  نوبي  في  أي  مكان  في  مصر  بيمارسها بشكل  أو بأخر  بوعي  منه  أو من غير  وعي  ...