التنوع الثقافي سبب لنهضة مصر

المنحني الحضاري لمصر خلال مئات السنين اللي فاتت
كان بيزيد مع زيادة العناصر الثقافية/ العرقية/الدينية الأجنبية في مصر
ففي وقت من الأوقات لما كانت مصر في قمة إزدهارها إقتصادياً و في كل المجالات الثقافية و السياسية و الإجتماعية و غيرها هنلاقي إن دي فترة إزدهار لهجرات لمصر ,
و في فترة ركود في مصر في شتي النواحي هي فترة قلة في هجرات او التنوع الديموغرافي في مصر ,
مش معني ده إن الأجانب هم السبب الوحيد بس في نهضات مصر علي مر العصور لكن هم سبب أساسي فمؤسس مصر الحديثة " محمد علي باشا " أجنبي!
بس هم بيلعبوا دول " المُلهم " و " المُحفز " للمصريين لأنهم بيجوا بثقافات و خبرات جديدة علي المصريين فالمصرين بيستفادوا منهم و بيتأثروا من هم و بيبدعوا في كل المجالات ولو مسكنا مجالات الفنون بكل أنواعها هنلاقي إن كل الفنون الحديثة في مصر مؤسسيها و اللي دخلوها لمصر كانوا أجانب و بعد كدة المصريين دخلوا في المجالات دي و أبدعوا فيها هم كمان

بالرغم من أن الأجانب كانوا من بيئات و أنحاء كتيرة من العالم جم و إستقروا في مصر و بالرغم من أنهم اصلا مختلفيين في ما بينهم و ما بينهم و بين المصريين لكن محصلش صدامات حضارية / ثقافية/دينية مع بعض بل بالعكس تماماً
حصل إمتزاج و توافق بين كل الثقافات دي و ثقافات المصريين اللي هي اصلاً مختلفة و متراكمة من ألالاف السنين و نتج عنها الثقافة المصرية المعاصرة .

و بعد الفترة من الاربعينيات لحد السبعينيات اللي كانت فترة هجرات عكسية للاجانب من مصر هي نفس الفترة اللي شهدت بعدها وقوع لمصر في كل النواحي و لحد النهاردة بنعاني من ده ,
كانت هجرات الأجانب من مصر هي شئ سلبي علي المجتمع مش إيجابي خالص و بنعاني منه دلوقتي .

التنوع شئ كويس ومفيد لأي بلد و مجتمع و لمجتمعنا المصري
التاريخ أثبت ده ,
و نهضة مصر هتكون بإستعياب إن التنوع مفيد و إن " الأخر " هو مش مجرد عدو و خصم ليك بل بالعكس هو في أغلب الأحيان مساند و مساعد ليك و في وقت من الأوقات كان هو سبب أساسي في نهضة البلد .

مفهوم التنوع في ما بين الشعب بينه و بين بعض مكوانته و بينه و بين العناصر التانية ..