504 سنة على نهاية الحكم الرسمي للمماليك في مصر
 |
| طومان باي |
زي النهاردة من أكتر من 5 قرون تم إعدام الأشرف أبو النصر طومان باي آخر سلاطين المماليك الشراكسة على يد العثمانيين بعدما اتهزم في معركة الريدانية سنة 1517 واتنشق على باب زويلة
بـ قتل طومان باي انتهى عصر الدولة المملوكية بشكل رسمي لكنهم استمروا في حكم البلد لبعد كدة لـ4 قرون بل سلالتهم موجودة حاليًا في مفاصل الدولة المصرية.. مثلًا عائلة سوزان مبارك "عائلة ثابت" من أصل مملوكي
عصر المماليك يعتبر هو من أكتر العصور غموضًا في تاريخ مصر ، مش معروف عنه معلومات كتير رغم إنه امتد لـ 3 قرون، هو بشكل رسمي المماليك/ الرقيق اتولوا حكم مصر من قبل كدة بكتير تحديدًا في القرن العاشر الميلادي
على يد أحمد بن طولون اللي أسس أول دولة مستقلة إسلامية في مصر وكان في أمراء وولاة مماليك بارزين في عهده زي يزيد بن عبدالله التركي وعلي بن يحيى الأرمني وأزجور التركي
لكن مع الوقت انحسر مفهوم العصر المملوكي بالعصرين مماليك البرجية الشراكسة ومماليك البحرية التركمان
خلال التاريخ دة المماليك اتعرضوا لأكتر من ضربة قاتلة أولها اغتيال طوبان باي
 |
| منمنمة عثمانية لإعدام طومان باي |
والتانية من محمد علي باشا مؤسس مصر الحديثة واللي يعتبر نشأ نشأة مملوكية عمه رباه وعاش في قصر حاكم مدينة قولة واتعلم الفروسية واستعمال السيف لكنه قام بالتخلص من كبار أمراء المماليك في مدبحة القلعة لتحجيم نفوذهم في الدولة والإبقاء على صغار المماليك الموالين ليه
في حاجة حصلت بعد كدة هددت أمان المماليك وهي "هوجة أحمد عرابي" اللي كان مضاد للعسكريين الشراكسة "مماليك الأصل" في الجيش المصري
الضربة التالتة للمماليك كانت بنهاية الدولة العلوية اللي كانوا منتشرين في أركان إدارتها واللي سعى النظام الجمهوري الجديد المعادي لهم بالتخلص منهم
حتى الظباط الأحرار كلهم كانوا أبناء فلاحين وطبقة بسيطة وكأن تم اختيارهم بناء على دة، مكنش في من بينهم من أصل أتراك أو ألبان أو شراكسة
المصادر:
- المماليك في مصر، أنور زقلمة
- تراث العبيد في حكم مصر المعاصر، ع.ع
- مصر في العصر العثماني في القرن 16، سيد السيد
تعليقات
إرسال تعليق