أبنوس | Ebony

  سلطان محمد شاه المعروف باسم "آغا خان التالت" إمام الطائفة النزارية الإسماعيلية له حاجتين مميزتين في مصر مرتبطين بيه الأولى هي مقبرته الموجودة على الضفة الغربية للنيل في أسوان  وبناها فخمة من الحجر الجير على الطراز الفاطمي واتدفن فيها زي النهاردة من 61 سنة  سبب اختيار آغا خان لأسوان تحديد بيرجع أصلًا لقصة حبه وشفاءه فيها، فالإمام الإسماعيلي كان عند أمراض الروماتيزم وآلام العظام ومكنش لاقي علاج ليها خالص  لحد ما نصحه صديق بإنه يزور مصر تحديدًا في جنوبها في أسوان في فصل الشتاء وهناك في طرق علاجية نوبية قديمة هيتشفى بيها وبالفعل سنة 1954 سافر أسوان مع أسرته ومجموعة كبيرة من حاشيته وأتباعه الإسماعيليين وأقام في فندق أولد كتاركت المشهور في أسوان (اللي الناس مسمياه جراند أوتيل عشان المسلسل) وزار سلطان شاه زار شيخ نوبي يطبب آلامه فنصحه إنه يدفن نصه التحتاني في الرمال الساخنة لمدة 3 ساعات كل يوم على مدار أسبوع، طبعًا استغرب والموضوع أخد تريقة من أطباءه الأوروبيين  لكن آغا خان سمع بكلام الشيخ وبالفعل اتدفن، وبعد أسبوع رجع للفندق ماشي على رجيله، أكنها معجزة!! ومن وقتها وبقى يحب ييجي ي

  أصفر وأحمر وأزرق وأسود.. وألوان كتير بأشكال مختلفة بتميز الأعلام الرسمية للدول بينها وبين بعضها ومن الحاجات الغريبة إن مفيش دولة مستقلة في العالم ما بين الـ 193 دولة اللي موجوديين، من ضمن ألوان علمها اللون البنفسجي، باستثناء دولة واحدة بس! ودة بسبب إن زمان كانت صبغة اللون النفسجي غالية جدًا جدًا فمكنش في استخدام ليها إلا محدود للغاية، وكان استخدام البنفسجي في الأعلام الوطنية حتى للدول والممالك هيكون مكلف جدًا لأي دولة أصل القصة دي بيرجع بينا للزمن لآلاف السنين تحديدًا لـ لبنان في عهد الفينيقيين اللي اتأسست حضارتهم قبل 4500 سنة على ساحل البحر المتوسط الفينيقيين كانوا شعب بحري بامتياز بيعشق البحر وفي زمنهم كانوا أعظم بحارة في العالم، وكانوا كمان صيادين فكانوا بيصطادوا صدف رخوي اسمه "مريق" قدروا إنهم يستخرجوا منه صبغة بنفسجية منها ابتكروا اللون البنفسجي تحديدًا في مدينة صور وكمان صيدا كاننوا يعتبروا مراكز تصنيع اللون البنفسجي الوحيدة في العالم واللي كان اللون دة بيجذب الملوك من العالم القديم عشان يقتنوا ملابس بنفسجية اللون بالذات في مصر وبلاد فارس والرومان كانوا بيعتبروا إن ال

  سامية، تروي العطشان وتشبع الجعان، مصدر للعزة والفخر والكبرياء، هي حياة الدنيا وعبادة للآخرة، سيدها "مالكها" وسط قطيعها كأنه في جنّة، ومنها أخد لقبه وانتسب "بقاري".. هي البقرة في غرب السودان بيعيش "البقارة" وهي مجموعة إثنية متعددة الأعراق والأصول والخلفيات الثقافية لكن بيجمعها شيء وهو عشقهم للبقر البقرة كائن سامي بيحقق للبقارة المنزلة الاجتماعية الرفيعة مع كترة أعدادها عند سيدها، وهي أكله وشربه ووسيلة للتقرب من الله بالتبرع للفقراء بالحليب ومنتجات الأبقار للفقراء كنوع من الزكاة والصدقة وبتتسمى "منيحة، وأمور تانية كتير ولأنها كل حياته فـ بتستحوذ على كل حبه واهتمامه وحنيته ورعايته كأنها من أسرته، وفي لغته بيسمها "بارة" في حالة مرض أو نفوق بقرة بيتألم ويتوجع عليها بحزن شديد بيوصل للبكاء، وبيرفض أكل لحمها البقاري وسط قطيعه هو سيد، وبيقوده بعزة وفخر ونظرة قوية من مكان لمكان لأجل توفير العشب والأكل لهم ولأجل البقيرات غنى وقال أشعار: البقر ليهن شّنه وليهن ونّة البقر كل شيء بسونا ولمكتب تعليم برام بننا والماشـي أقروب في عاتي الخيل ركبنّا ولطالبنا م

سنجر بتعتبر أشهر وأقدم ماركة لماكينات الخياطة في العالم، والاسم بيرجع للمخترع الأمريكي إسحاق سنجر اللي يعتبر الأب الروحي لصناعة الماكينات  قبل 160 سنة إسحاق سنجر طور ماكينات الخياطة بشكل جذري وقدم لينا الماكينات بشكلها المختلف الجديد واللي هو موجود بين إيدينا  أهم التغييرات اللي عملها إنه خلى الإبرا في أول الماكينة وعمودية وفي عز انتشار ماكينته انتشرت شائعات كتير منها إن الماكينة مصنوعة من مواد غالية ونادرة، واتقال إنها أصلًا مصنوعة من الدهب  ودة خلى البعض في أمريكا والعالم يكون مهووسين بالماكينة وتجميع أكبر عدد منها على أمل إنهم يحققوا ثروة  وكان في شائعة كمان في مصر ودول المنطقة ولازالت منتشرة!  بإن الماكينات سنجر فيها معدن الزئبق الأحمر اللي بيتم استخدامه في أعمال السحر وأمور تانية فـ زادت أسعار ماكينات سنجر في حاجة غريبة ارتبطت بشركة سنجر وهي اتهامها بالتجسس، فـ في سنة 1913 تم اكتشاف قضية تجسس لعمال وموظفين الشركة بإنهم جمعوا معلومات وبيانات عن عملاء الشركة وقدموها للألمان المصادر: - sodiummedia  - hyatok

ريانا من أشهر الفنانين حولين العالم طبعًا ورمز وعلامة مهمة في صناعة المزيكا الحالية، وغالبًا يُعتقد عنها إنها أمريكانية إلا أنها بتنتمي لبلد لاتيني هي بربادوس وواخدة منصب سفير فوق العادة فيها  بربادوس جزيرة في شرق البحر الكاريبي، أعلنت إنها هتاخود خطوة تاريخية بانفصالها عن التاج البريطاني وتبقى جمهورية حرة في الذكرى الـ55 عيد الاستقلال في نوفمبر 2021  رغم إن بربادوس الأفريقية الأصول والهوى والنكهة دولة صغيرة جدًا مساحتها 431 كم بس وعدد سكانها 286 ألف نسمة لكنها بتمتلك تاريخ استعماري طويل ودموي الأول كانت مستعمرة إسبانية وبرتغالية، بعد كدة وقعت تحت السيادة البريطانية سنة 1625 لحد استقلالها سنة 1966 يعني تم استعمارها 341 سنة السنين دي معدتش بسلام وهدوء لكن حصلت ثورة ضخمة لسكان الجزيرة من العبيد بقيادة بوسا واللي اتعرفت الثورة/ التمرد دة باسمه  بوسا اتولد في غرب أفريقيا في مملكة أكان أو إيجبو وبعد استعمار مملكته تم استعباده ونقله لبربادوس وكان شغال حارس مزرعة ورغم إن كان له شوية امتيازات لكنه خطط لتحرير العبيد في بلده الجديدة بربادوس  قامت ثورة العبيد في بربادوس في أبريل سنة 1816 على إيد

 ليبيا من دول شمال قارة أفريقيا وليها تاريخ قديم جدًا بيرجع لآلاف السنين، اشتق اسمها من الاسم اللي كان بيطلقوا المصريين القدماء على شعبها "الليبو" واللي هما الأمازيغ السكان الأصليين لشمال أفريقيا  وأقدم وثيقة مصرية ذكرت الليبو هي اللوحة المنقوشة اللي بتخص الملك نعرمر/ مينا موحد القطرين زمان اليونانيين كانوا مهتمين ببلاد جنوب البحر المتوسط واحتلوا أجزاء منها مصر وأجزاء من القارة واللي سموها ليبيا  في البداية اليونانيين سموا شمال أفريقيا اللي بيسكناه الأفارقة أصحاب البشرة الفاتحة باسم "ليبيا" وفي الجنوب مناطق القارة لأصحاب البشرة السمراء إثيوبيا  لكن مع مرور الوقت اتسمت القارة ككل باسم ليبيا، ومؤرخين يونانيين كتير اهتموا بقارة ليبيا منهم بلينيوس الأكبر وديودور الصقلي وأبرزهم هو هيردوت أبو التاريخ  واتحولت التسمية ليبيا من شمال أفريقيا للقارة بالعموم في المرحلة اللي بعد هيرودوت (القرن الخامس ق.م)، اللي اتكلم عن ليبيا في أكتر من مرة أبرزهم في الكتاب التاني له اللي اتسمى الكتاب الليبي، واتكلم فيه عن كل شيء يخص سكان شمال أفريقيا من العادات والتقاليد والتاريخ والدين الطِبا

في مدينة توبا أو طوبى في وسط السنغال موجود مسجد بديع في الجمال العماري والجمال الروحاني لإرتباطه بشخصية دينية روحية ومقدسة عند أتباع الطريقة المريدية الصوفية وهو الشيخ أحمدو بمبا إممباكي اتعرف الشيخ أحمدو بمبا بين مريديه باسم "ولي توبا" ومن الاسم دة اتسمت المدينة اللي أسسها باسمه وهي توبا  ملحوظة: ممكن سماع التدوينة أوديو ساوندكلاود من هنا  الشيخ أحمدو بمبا كان ولي صوفي وشاعر وسياسي ومقاوم كمان ضد الاستعمار الفرنسي لبلاده  وركز دعوته على نبذ العنف لكن دة اللي خلاه يتم اعتقاله ونفيه لخارج السنغال  ويعتبر أحمدو من أكبر وأشهر الأولياء الصوفيين في غرب أفريقيا وبيجي يزور قبره اللي موجود في مسجد توبا في ذكرى ميلاده كل سنة ملايين من المريدين والمحبين له  رغم إن المسجد اللي موجود في شرق توبا سعته 30 ألف شخص بس، لكن بيتم إجراء تجديدات له وصلت تكلفتها لـ30 مليون دولار  وكان بيركز أحمدو بمبا في القيم والمبادئ بتعته على قيم السلام والعمل الجاد والكرامة، فكان بيشوف إن الكسب من عمل الإيد هو حاجة ضروري جدًا لحفظ الكرامة من مد الإيد للغير وسمى طريقته المريدية بمعنى "المريدين الوصول إلى

  لغة الخوسا أو اللغة الكوسية هي اللغة الأم للزعيم الأفريقي نيلسون مانديلا اللي بيتزامن النهاردة الذكرى الـ7 على وفاته  الخوسا هي لغة محلية بيتكلمها شعب الخوسا اللي من أولاده نيلسون مانديلا وعدد الخوسا 7 ملايين نسمة بيشكلوا نسبة 18% من السكان وكامل الشعب موجود في دولة جنوب أفريقيا  وهي لغة غريبة جدًا بالنسبة للغات المتعارف عليها، غرابة اللغة في إنها لغة منطوقة/ نغمية بتعتمد على مفردات وكلمات ممزوجة معاها فرقعة وطقطقة باللسان في وسط الكلام بشكل صعب جدا على غير المتحدثين باللغة ودة فيديو توضيحي:   حولين العالم في لغات كتير جدا نغمية/ منطوقة غير مكتوبة بخلاف اللغات المكتوبة (ليها أبجدية) وهي اللي مشهورة الإنجليزي الفرنسي الإسباني العربي..إلخ لكن اللغات النغمية لغات بتتنطق بألفاظ وكمان مش الخوسا بس لكن في عائلة لغوية نغمية عبارة عن طقطقات وهي لغات الخويسان وأكاديميًا، لغة الخوسا بتتصنف إنها من لغات البانتو الجنوب شرقية، بتنتمي بالأساس لأسرة اللغات النيجر - كونغو والخوسا قريبة منها لغات تانية كتير في جنوب أفريقيا منهم زواتي والزولو والسوتو وتسوانا

  باختلاف الثقافات حولين العالم اختلفت أيقونات السيد المسيح والسيدة العذراء من ثقافة للتانية،  فـ بالنظر لأيقونات السيد المسيح في أفريقيا هنلاقيها بتصوره بـ أنه أفريقي الملامح والهيئة  ونفس المنظر بالنسبة لآسيا فـ هنلاحظ عيونه ضيقة وبتختلف ملامحه في أمريكا الجنوبية .. إلخ  إية السبب، وهل دة غلط؟ من فترة اتناقشت مع أستاذ اللاهوت الدفاعي مينا أسعد كامل، في النقطة دي وقالي إن الفنّ عمومًا بيعتبر درجة من درجات تمثيل الواقع والمجتمع والفنان عمومًا بيتأثر بالثقافة والبيئة المحيطة به على فنّه، أي كان هو إية نوع الفنّ دة والفنانين ييحاولوا رسم السيد المسيح اللي جيه بالبشاير كلها بالشكل القريب منهم، وطالما الفنان ملتزم بالفكر العقائدي السليم بغض النظر عن الملامح فـ مفيش مشكلة في دة  وأكد على نقطة إن الصورة الحقيقة للسيد المسيح معروفة، وأنه كان بالملامح المناسبة للمنطقة اللي أتولد فيها زي ما أكد علماء الأجناس

مع ذكر اسم "إسرائيل" أول شيء يتبادر في الذهن هو دولة/كيان إسرائيل اللي محتلة فلسطين، والإسرائيليين هما المنتمين للدولة دي أو اللي حاملين جنسياتها سواء كانو يهود بالغالبية وأقليات مسلمة ومسيحية ودُرزية.. إلخ  لكن مع ذلك فـ في قبيلة عربية مسلمة قديمة بعيدة كل البُعد عن دولة إسرائيل واليهود،  وموجودة في اليمن.. إية قصتها؟ قبيلة إسرائيل بتنحدر بالأساس من قبيلة خوﻻن القضاعية الحَميرية اللي هي من بطون المَهرة بن حَمير جد الإسرائيليين هو محمد بن عمر واتسمت بـ إسرائيل لإعجابه بالنبي يعقوب محمد بن عمر اشترى مدينة الحوطة من الصحابي أمية المخزومي اللي كان والي حضرموت واستقر فيها هو وأسرته  وكان من أهل الفقه، ومع الوقت نزحت أسرة من آل إسرائيل من شبوه لمحافظة أبين اليمنية اللي جنبها وأتأسس فرع تاني للقبيلة واللي موجودين في المحافظيين لحد دلوقتي  وللأسف في بعض السطحيين مش قادرين يتفهموا الفرق بين الإسرائيليين (القبيلة اليمنية) والإسرائيليين (دولة/ كيان إسرائيل)! فـ في 2017 حصل حادث مؤسف قام إرهابيين منتمين لتنظيم القاعدة بقتل 2 من رموز قبيلة إسرائيل على اعتبار إن لهم علاقة بالكيان الإسرائي

خلال الأيام القليلة اللي فاتت في حالة استياء ضد الجامعة الفرنسية في القاهرة بسبب إعلان ترويجي للدراسة فيها واتناول نقطة حساسة وهي فترة الاحتلال الفرنسي لمصر (1798 - 1801)، وبالصدفة إن النهاردة الذكرى الـ 171 على وفاة محمد علي باشا اللي اتولى حكم مصر بعد الحملة بـ4 سنين    الإعلان وتقدر تشوفه من هنا ..  كان عبارة عن ممثل بيتكلم على إنه نابليون بونابرت قائد الحملة الفرنسية قال بالنص (أنا اللي عِشت في مصر 3 سنين بس واسمي بيتردد لحد النهاردة.. أنا اللي جبت معايا علماء أكتر من الجنود.. وأسست المعهد المصري وفكيت رموز حجر رشيد.. أنا اللي أنشأت أول مطابع للقاهرة، وبسببي المصريين اتعلموا فرنساوي وبقى عندهم فرص ثقافية وتجارية في النمسا وكندا وسويسرا.. جيه الوقت اللي نعرف أكتر عن الثقافة الفرنسية وننشر قيم الفن والذوق والجمال.. شارك حملة نابيلون 2020 وادرس في الجامعة الفرنسية) الإعلان دة خلاني أفكر في كذا حاجة حولين الحملة الفرنسية وأعدد المساوئ اللي حصلت خلالها وبسببها فيما بعد وكمان الإيجابيات، فـ حابب أتكلم في الموضوع بشكل موضوعي وتاريخي من زاويتي، وأطرح تساؤلات بيني وبين نفسي وأحاول أفكر في إ

حي الزمالك طبعا من أرقى الأحياء القديمة في القاهرة اللي يعتبر ملاذ للي عاوز يلاقي الروقان والجمال بالذات في الليل "Nightlife" الزمالك مرّ بتحولات كبيرة جدًا خلال أخر 150 سنة، كان قبل الفترة دي مئات السنين بداية من عهد الأيوبيين ولحد نُص القرن الـ19 مجرد شبه جزيرة فيها عِشش للصيادين  جزيرة الزمالك أو شبه جزيرة الزمالك في الوقت دة مرتين بتحولين مهمين جدًا وغيرها 180 درجة الأول كان سنة 1869 لما الخديوي إسماعيل قرر اختيار الزمالك أنها تكون مكان بناء القصر اللي سماه الجزيرة عشان يكون مقر إقامة الإمبراطورة أوجيني زوجة إمبراطور فرنسا نابليون الثالث وقصر الجزيرة الفاخر جدًا دة اتحول بعد كدة لفندق فيرومنت الزمالك واللي من جوه محتفظ بطابعه من النقوش البديعة في السقف والأثاث والتُحف واللي مشفهوش من جوه فاته كتير فعلًا التحول التاني كان بطله راجل صعيدي من قنا اسمه عبدالمنعم محمدين جيه سنة 1897 عاش في الزمالك اللي كانت وقتها فيها حيوانات مفترسة وأحراش وكانت أرض غير مؤهلة للزراعة على الرغم من إنها في وسط النيل  المهم إن عم عبدالمنعم أخد حتة أرض وزرعها ولما المشروع نجح معاه عمل زي كل أهل ال

حرق البخور عادة قديمة في الثقافة المصرية متوارثة لحد دلوقتي، فـ ارتبط حرق عيدان البخور في البيوت والمحلات والمكان بالسكينة والبركة  العادة دي موجودة من آلاف السنين، كان البخور مكون أساسي من مكونات التجميل زي صناعة الكحل لعيون الملكة نفرتيتي، وكمان كان بيستخدم بشكل رئيسي في الطقوس الدينية  المُر، لبان الدكر، اللادن والكندر وغيرها من الأنواع كانت مرتبطة بالطقوس اليومية في حياة المصريين القدماء ومعابدهم خلال الصلوات ودة ظهر في نقوش كتير في معابد متفرقة  أول مرة يتذكر فيها اسم البخور واستخداماته كان على حجر "بالمو" اللي بيرجع لفترة حكم الملك ساحورع في عهد الأسرة الخامسة (2429-2345 قبل الميلاد) ساحورع كان عنده شغف كبير جدًا بالبخور لدرجة إنه بعت أساطيل ورحلات تجارية نيلية تستورده من خارج مصر من النوبة بل وتخطى النوبة للقرن الأفريقي وبلاد بونت (الصومال) وكان دة أول تواصل حضاري بين مصر والمنطقة دي بسبب تجارة البخور والعطور الضروريين في الطقوس الدينية وكمان جاب الفضة والآخشاب النادرة زي الأبنوس وبالمقابل اتصدر لهم الدهب الرحلات دي كان في مشكلة فيها إنها مكنتش متسجلة، وأول رحلات للقرن

منطقة لاليبيلا موجودة في شمال إثيوبيا وهي أكتر الأماكن المسيحية قُدسية في أفريقيا ككل، ولقبها "قدس أفريقيا"، وبتضُمّ 11 كنيسة محفورة في الصخر وبتتشبه بمدينة البتراء الأردنية تعتبر المنطقة دي أكبر مكان فيه تجمع معابد متجانسة في العالم، وموجودة على ارتفاع 2500 متر على قمة جبلية  في دلالة وحكمة للبناء في المكان العالي جدًا دة وهو عشان يكونوا أقرب لله حسب اعتقادهم، وكمان عشان الكنايس تكون بعيد عن الغُزاة  بتدور أسطورة حولين بناء الكنايس الـ11 إن اللي بنته الملايكة وفي يوم واحد بس، لكن الحقيقة أنها اتبنت في القرن الـ12 في عهد الملك لاليبيلا وخلال 24 سنة    أشهر الكنايس الـ11 دول هي كنيسة القديس جورج وهي عبارة عن صليب أرثوذكسي ضخم منحوت بأدوات بدائية داخل الصخر تحت السطح واترفع في نحته أكتر من 4000 متر مكعب من الصخر  لاليبيلا تعتبر أقدم مكان للكنيسة الأرثوذكسية الإثيوبية وقبلة للحجاج من أنحاء إثيوبيا، اللي البعض منهم بيحب يجي ليها مشي في رحلة بتستغرق أسابيع! وبيستضيف سكان المنطقة الحجاج وبيوفروا لهم الأكل والإقامة، وبيقوموا بطقوس الصلاة والصوم وهما لابسين الملابس البيضا اللي بترمز

سنتين فاتو على تتويج فرنسا ببطولة كأس العالم 2018 بمنتخبها اللي لفت الإنتباه وأثار الجدل حوليه بسبب الأصول المختلفة للاعيبته بالذات إن غالبيتهم من أصول أفريقية  اتقال إن "أفريقيا" هي اللي كسبت كأس العالم مش "فرنسا" أو إن أفريقيا اتوّجت بكأس العالم بتيشيرت فرنسا! الموضوع دة بيمس جوهر موضوع مهم وهو الأُسس اللي  قايمة عليها الدول العصرية الحديثة اللي هي التنوع والتعدد الثقافي والعرقي والإثني لا فرنسا ولا بلجيكا مثلًا ينفع يتصور عن سكانهم في صورة شعب الغال لكنهم فرنسيين  وبلجيكيين، ولا سكان ألمانيا حاليًا باعتبارهم هما شعب الجيرمان لكنهم ألمان ولا حتى شعب بلد مقفولة على نفسها شوية زي أسكتلندا إن شعبها هو البيكت وبس لكنهم أسكتلنديين سواء من أصل بيكت ولا إندونيسي حتى  الدول الحالية هي مزيج متنوع جدًا مش بس أوروبا لكن غالبية دول العالم الحديثة، كل مجموعة بل كل شخص بهويته المختلفة هو طوبة في بناء المجتمع ككل، كل شخص بينتمي للبلد هو جزء منها بثقافته سواء كان أصلها أوروبي أو أفريقي أو عربي أو أمازيغي أو آسيوي .. إلخ  فـ فرنسا وشعبها مش هو شعب الغال ولا هو شعب الرجل الأبيض لكن

زمان في المدرسة كنا بنسمع دايمًا في دروس التاريخ عن اكتشاف البرتغاليين لطريق رأس الرجاء الصالح وإن الموضوع دة أثر على مصر اقتصاديًا خلال عهد المماليك  لكن إية هو رأس الرجاء الصالح وإية قصة اكتشافه وه فين أصلًا رأس الرجاء الصالح دة؟ رأس الرجاء الصالح هو راس بارز وممتد من لسان بحري ضخم موجود في الطرف الجنوبي لقارة أفريقيا في دولة جنوب أفريقيا تحديدًا جنب مدينة كيب تاون  اكتشاف طريق رأس الرجاء الصالح كان خلال التوسع الاستعماري الكبير للإمبراطورية البرتغالية في العالم وخاصة في أفريقيا خلال القرن الـ15 زي أي إمبراطورية في العالم فكّر ملوك البرتغال على طرق لتوسيع إمبراطورياتهم وتأمين مواردهم الضخمة ودة خلاهم يهتموا بالرحلات الاستكشافية للأراضي الجديدة الغنية بالثروات حصلت ثورة في تصنيع السفن في البرتغال بتصنيع سفينة شراعية اسمها "كرافل" اتميزت بأنها خفيفة الوزن وسريعة الحركة وممتازة في الملاحة ودة ساعدهم على تشييد أساطيل  كانت الإنطلاقة الأولى لأفريقيا لمدينة سبتة المغربية (المحتلة حاليًا من إسبانيا) سنة 1415 على إيد الأمير (هنري الملاح)، واكتشف ثراء أفريقيا بكنوز الدهب ودة شجعه لا

عاشت الإسكندرية 32 يوم ما بين 11 يونيو ولحد 13 يوليو سنة 1882، في جحيم اقتتال بين أهالي المدينة الأصليين وبين السكان الأجانب الأوروبيين في أحداث اتعرفت باسم "مذبحة الإسكندرية" الحداث دي بدأت يوم 11 يونيو لما حصلت مشكلة بين شخص سكندري من أهل البلد وبين شخص تاني سكندري اسمه مكاري أصلًا من جزيرة مالطا وهو من الرعايا الإنجليز واختلفوا على تمن أجرة ركوب الحمار  فـ الخلاف زاد واتحول لخناقة فالمالطي طعن المصري (اتقال إنه مات واتقال إنه اتصاب بس) وهرب المالطي في بيت حد يوناني مالطي فحصلت فتنة بين السكندريين المصريين والسكندريين المالطيين واليونايين بل والأوروبيين عمومًا في المدينة حصل ضرب بينهم وضرب بالنار ووقع عشرات القتلى، المؤرخ عبد الرحمن الرافعي قال إن عدد القتلى كان 45 شخص 38 أجنبي و7 مصريين، لكن في مصادر تانية رفعت الرقم لـ200 و250 شخص غالبيتهم برده من الأجانب  طول شهر دخلت المدينة في فوضى تامة سلب ونهب للمحلات والممتلكات وقتل وحرب بين الطرفين، وقصص بشعة كتير حصلت للأسف  المهم إن اتقال إن إنجلترا هي اللي افتعلت المشكلة دي أو على الأقل استغلتها طبعًا، فـ بعد 30 يوم من واقعة الم

خلال فترة العشرينات في القرن الـ20 بدأت تظهر عصابات الأفروأميركان في ولاية لوس أنجلوس وتنشط كمجموعات بتبرز قوة المجتمع الأسود وتدافع عنه، ومع الوقت اتحول نشاط العصابات دي للجرايم المختلفة من سرقة وقتل ونهب وتجارة مخدرات ودعارة.. إلخ  مع مرور الوقت  ظهرت عصابات كتير وفي فترة السبعينات ظهرت عصابتين جُداد الأولى كانت Bloods اللي بيتميز أفرادها باللون الأحمر لون الدم في كل شيء والتانية Crips اللي بتتميز باللون الأزرق وهو لون ملابس المدرس الثانوية لأن كان أغلب أفرادها من مراهقين المدارس الثانوية وطول الفترة دي وفي صراعات دامية بين العصابتين على مناطق النفوذ والسيطرة في أحياء لوس أنجلوس وكبرت وضمت آلاف الأفراد  لحد سنة 1991 حصلت واقعة هزت لوس أنجلوس وأمريكا ككل حادثة عنصرية كالعادة بقيام 4 أفراد من الشرطة بالضرب المبرح المميت لشاب أسود سواق أجرة اسمه رودني كينج  وتمت تبرئة الشرطيين على الرغم من إن القضية كانت لبساهم لبساهم وكان في فيديو بيوثق الجريمة الموضوع دة عمل ربكة في المجتمع الأفريقي الأصل في لوس أنجليوس وأحداث شغب وعنف واسعة، وBloods وCrips أعلنوا الهدنة بل والاتحاد ضد الشرطة سنة 1992

موضوع الخلط بين مفهوم اللغة واللهجة دايمًا بيحصل بالنسبة لـ"اللغة" النوبية، البعض بيطلق على اللغة النوبية إنها لهجة من قبيل سوء الفهم وعدم الدراية والبعض التاني بيكون عن قصد للتقليل للأسف لكن بشكل مُبسط جدًا بعيدًا عن المصطلحات الأكاديمية فاللغة هي أداة ووسيلة للتعبير والتواصل  بين الناس وبيكون دة عن طريق كلمات ورموز وإشارات.. إلخ، وبيكون لها قواعد واضحة  واللهجة هي طريقة للتعبير عن اللغة دي، فاللهجة الأمريكية مختلفة عن اللهجة البريطانية ومختلفة عن اللهجة الأسترالية لكن ف النهاية كلهم لهم قواعد وأساسيات واحدة للغة واحدة وهي الإنجليزي، وأي لهجة تابعة للغة ما  فـ على سبيل المثال لو قولت ليك "ai ka gili kamashka " هل هتعرف معناها باللغة العربية؟ أو باللغة الإنجليزية أو الفلبينية حتى؟ لأن لو الجملة دي اللي باللغة النوبية مقولة للهجة فلازم تكون تابعة للغة ما، فـ هل يا ترى "اللهجة" النوبية تابعة لأي لغة؟ وترجمة العبارة للعربي بالمناسبة (فاكرك وبحبك جدًا) البعض بيقول إن النوبية لهجة لأنها "منطوقة" غير مكتوبة، هو النقطة دي غلط لأن حولين العالم في نوعين م

شباب شعب البِچا في مصر اليومين دول عاملين مبادرة أو حملة تحت اسم (اليوم العالمي للسواكني) للتأكيد على هويتهم بالنسبة لزيهم التراثي التاريخي الخاص بيهم واللي حاليًا اسمه السواكني  فـ أولاد عمومتي من البِچا beja بالأساس هما موزعين على كذا دولة في ساحل شرق قارتنا الأفريقية بالأساس من إريتريا والسودان لمصر شمالًا وموجودين بالتحديد في الجزء الجنوبي من الصحراء الشرقية وفي محافظة أسوان وبعض قرى النوبة، ولهم لغتهم الخاصة وثقافتهم المميزة لو رجعنا بالزمن فـ أول زيّ معروف للرجل البِچاوي كان اسمه أوُمِلبّب أو لبَب وكان عبارة عن قماش بيتربط حولين الوسط زي السربادوب "سروال" ويكون قصيرعلى الركبة وكان الصديري بيتلبس من الجلد  وكان بيتلبس الـ"أوشايقمتي" أو "توشايقي" وهو عبارة عن شال طويل بيتلف حولين الجسم على شكل حرف X وبيلف كـ أنه عمامة، ودة كان زي العمداء والفرسان  حاليًا بقى الزي البِچاوي الحديث اسمه "السواكني" وهو عبارة عن قميص طويل وجلابية قصيرة عراجي وسروال سربادوم وسديري والسواكيني أخد الاسم دة نسبة لمدينة سواكن في شرق السودان لأن القماش اللي بيتصنع منه ا

النهاردة بيحتفل شعب دولة موزمبيق بعيد الاستقلال الـ45 عن الإمبراطورية البرتغالية اللي احتلت بلدهم طول 450 سنة! موزمبيق تعتبر من أكتر الدول اللي بيتم الإساءة والسخرية من اسمها، إلا أن المفارقة إن اسمها دة بالأساس متاخد من اسم شخصية عربية حكمت سلطنة قديمة هناك  من مئات السنين تحديدًا في القرن السابع الميلادي كدة وهاجر عرب كتير خاضة العُمانيين لسواحل جنوب شرق قارتنا الأفريقيا وأسسوا ممالك وسلطانيات هناك ورسخت إرث ثقافي اقتصادي وسياسي هايل في المنطقة دي  ومن السلطانيات اللي تم تأسيسها على إيد العمانيين سلطة كلوة أو كلوا وكانت سلطة إسلامية ومركز تجارب مهم بيربط ساحل شرق أفريقيا بشبه جزيرة العرب والهند وجنوب آسيا، بل كانت هي منفد تُجاري للمناطق الداخلية في أفريقيا الجنوبية للساحل ومنها للعالم  وسبق وذكرت في موضوع سابق كتبته عن حضارة زيمبابوي إن مدينة كلوا كان ليها أهمية وفضل كبير لشعب الشونا في حركته التجارية من الدهب والأحجار الكريمة لخارج أفريقيا والعكس صحيح لاستيراد البضائع المختلفة من خارج أفريقيا لهم عن طريق كلوا برده، وهي حاليًا ضمن دولة تنزانيا  وكلوا زارها الرحالة المشهور ابن بطوطة و