أبنوس | Ebony

من 123 سنة حصلت حرب غريبة كان موقعها في أفريقيا تحديدًا في زنجبار/ زنزبار اللي حاليًا هي جزء من دولة تنزانيا، واتسمت الحرب دي حرب الأنجلو - زنجبار أو الحرب البريطانية الزنجبارية والغريب في الحرب دي إنها بدأت وانتهت في 38 دقيقة بس.. إية قصتها؟ سنة 1890 بريطانيا عملت معاهدة مع ألمانيا للاتفاق سوا على تقسم مناطق شرق أفريقيا مع بعضهم، فـ بريطانيا اختارت إنها تستحوذ وتستعمر زنجبار في سنة 1893 بريطانيا عينت سلطان عليها مجرد حاجة كدة مجرد لعبة في إيديهم وهو السلطان حمد بن ثويني، وبعد 3 سنين اتوفى السلطان فجأة السلطان حمد كان له ابن عم اسمه خالد بن برغش كان شايف أنه هو الأحق بالعرش والسلطنة فنصّب نفسه سلطان على زنجبار وأعلن إن بريطانيا ملهاش كلمة عليه وهو الحاكم الفعلي لزنجبار، وبيعتقد إنه هو اللي قتل حمد وسممه علشان طمعان في السلطة طبعًا الإمبراطورية البريطانية مفيش حد يلوي دراعها خصوصا لو كان شخص مغمور وملهوش سلطة ولا قوة ولا أي شيء علشان تعمله حساب، فكبير الدبلوماسيين أو القنصل البريطاني هدده بالذوق إنه يرجع عن رأيه ويقر بتعية زنجبار للتاج البريطاني وأداله مهلة...

النهاردة كان في احتفاء كبير بشخصية من ضمن أعضاء مجلس السيادة السوداني (الكيان الحاكم الجديد في السودان خلال المرحلة الإنتقالية) وهي المستشارة القانونية رجاء نيكولا عبد المسيح ودة لكونها من مكون اجتماعي ديني في السودان عانى من تهميش  هم أقباط السودان ولأول مرة من أكنر من 50 سنة شخصية قبطية تتولى منصب رفيع زي رجاء وكمان كونها سيدة فـ دى سابقة تاريخية مين هما الأقباط السودانيين؟ أقباط السودان بيرجع أصولهم البعيدة للأقباط المصريين، وهما بالأساس من أصل مصري هاجروا للسودان خلال فترة الاضطهاد الديني في  القرن الرابع الميلادي في البداية هاجروا لمملكة النوبة في الوقت دة اللي كان فيها تسامح ديني، ومنها انتشروا لداخل السودان  مع الوقت الأقباط أخدوا وضعهم واشتتغلوا في مجالات كتير منها اللي متعلقة بالفلوس زي الصرافة والإدارات المالية والحسابات وكمان اشتغلوا في مجال التعليم والصحة والرياضة والطب والتجارة وغيرها من المجالات خلال الفترات التاريخية فيمات بعد اتواصلت هجرات الأقباط المصريين سواء مسيحيين بالأساس أو مسلمين و"اتسودنوا" بقوا مواطنين سودانيين 100% وكان أول م...

تعدي أيام وبرده مستمر موضوع الحملة المُسيئة ضد السوريين في مصر بسبب مشكلة صاحب المطعم السوري وخناقته مع سيدة مصرية بالنسبة ليا السوء في الموضوع هو تعميم مشكلة تخص شخص بأنها مشكلة لكل الناس اللي بينتمي لهم، واتحول الموضوع وأخد طابع عنصري ضد السوريين لو رجعنا شوية في التاريخ هنلاقي إن موضوع المشاكل بين قطاع كبير من المصريين مع بعض السوريين المقيمين في مصر لأجل الشغل والتجارة، موجود من زمان ومش شيء جديد زي ما ذكرت في التدوينة السابقة الخاصة بالسوريين إن السوريين خلال وجودهم في مصر من القرون الـ16 والـ17 دخلوا في مجالات كتير من التجارة والصناعة ولحد إن في وقت من الأوقات اتقدرت ثروات الشوام في مصر خلال بداية القرن العشرين بـ50 مليون جنيه ودة بيمثل 10% من إجمالي الدخل القومي لمصر كلها! نرجع لنقطة المشاكل بين المصريين وبعض السوريين، لما جيه السوريين لمصر خلال القرون اللي فاتت كان في منهم تجار كبار أصحاب رؤس فلوس ضخمة وفتحوا في مصر وكالات كبيرة مع بدايات القرن الـ19، نجح السوريين دول إنهم يكونوا ضمن الطبقة الأرستقراطية في مصر في فترة قياسية ومنهم حبيب باشا السكاكيني، وبقوا من ...

المهق / ألبينو أفريقيا / الأفارقة البيض.. كلها مسميات لمجموعة سكانية لأشخاص بيعانوا من مرض المهق وهو اضطرابات وراثي بيحصل من انعدام أو خلل في إنتاج صبغة الميلانين اللي بتلون لون البشرة والألبينو متواجدين في منطقة شرق أفريقيا تحديدًا في "تنزانيا، كينيا، بروندي، الكونغو، سوازيلاند " بتوصل أعدادهم لعشرات الآلاف، كان في تنزانيا لوحدها 35 ألف شخص، لكن أغلبهم هاجروا من قراهم لخارج تنزانيا الألبينو بيعانوا من عنصرية و اضطهاد شديد و بيتقتل منهم المئات سنويًا وبيُهجّر الآلاف في البلاد اللي متركزين فيهم، فـ في تنزانيا هاجر منها أغلب الأفارقة البيض وقل أعدادهم لـ7 آلاف شخص، والعدد في تناقص مستمر و كذلك في الدول التانية المشاكل اللي بيتعرض ليها المهق بسبب اعتقادات شعبية بتدور حولين أن أعضاء أجساد المهق لها قوة خاصة وبيقدروا يحصلوا عليها من أطراف أجسام المهق فبيتهاجموا وبتتقطع أطرافهم الرجلين والإيدين وحتى الأنوف وبيتضاف ليها مواد سحرية لصنع وصفة بٌيتقال إنها بتدي الجسم قوة بدنية وكمان قوة جنسية مع الوقت تجارة أعضاء وأجزاء من أجسام المهق / الألبينو بقت مربحة جدًا ...

مانسا موسى الأول "Mansa Musa" هو ملك مالي حكم خلال الفترة 1312-1337، واللي كان عصره أزهي عصور إمبراطورية مالي، ووسع مانسا إمبراطوريته وشملت ممالك النيجر تمبكتو وغاو وجنينة وهو رجل اقتصادي بامتياز فكسب من تجارة الدهب والعاج ثروة خرافية تتجاوز ما قيمته في الوقت الحالي الـ400 مليار دولار، وده اللي خلاه أغنى أغنياء العالم والتاريخ على مر العصور كان معروف عن شخصية مانسا الكرم الشديد فكان دايمًا يوزع الدهب على الناس ومن أبرز الحكايات اللي بتدور عنه أنه في رحلته للحج لمكة في سنة 1325، كان موكبه مهيب بيتكون من 60 ألف شخص منهم 12 ألف من العبيد، كان موكبه شغلتهم شيل الدهب، بالإضافة للخيول والجمال، وتوزيعه على الناس في الطريق من الإمبراطورية لحد مكة ومر على القاهرة ووزع كتير من الدهب والهدايا، و بيذكر أن خلال رحلته دي الدهب في العالم انخفض سعره بسبب كترته مع الناس! بالإضافة لكون مانسا اقتصادي بارع كان برده سياسي ممتاز وعالم ومثقف ومهتم بالعلوم والمعرفة بشدة، في عهده ازدهرت جامعة "سانكوري" وبقت مركز للعلم في أفريقيا، وكان بيبدل الدهب بالكتب، وبنى المكتبات...

من الحاجات المزعجة الحقيقة بالنسبة ليا هي الكلام اللي بيتقال بداية من بطولة كأس أمم أفريقيا وخصوصًا في الأيام الأخيرة دي عن إننا كـ مصريين المفروض نشجع دول شمال أفريقيا بس لأنهم "عرب" ومسلمين زينا!! بعيدًا عن الكورة وتشجيع المنتخبات والأندية حتى المفروض ملهوش علاقة بموضوع الوطنية والقومية والنزعات الدينية والمذهبية الطائفية، وإن تشجيع الكورة متعة لأجل المتعة وبس الدول العربية في القسم الأفريقي وعددها 10 دول هم أعضاء في جامعة الدول العربية "مصر، ليبيا، تونس، الجزائر، المغرب، موريتانيا، السودان، جيبوتي، الصومال، جزر القمر" الدول دي مش دول عربية صِرف لا من حيث اللغة ولا الثقافة ولا العرق حتى، ولا هما دول مسلمة صِرف كذلك برده! *ملحوظة غالبية الأرقام والنسب تقريبية لأن في ندرة في الإحصائيات الرسمية الدقيقة* الشعوب: في الدول العربية العشرة بيعيش شعوب كتير أصولهم غير عربية، أكبرهم الأمازيغ وعددهم بيفوق الـ24 مليون شخص، وبيتوزعوا في دول شمال أفريقيا بداية من غرب مصر واحة سيوة لحد المغرب وموريتانيا - شعب النوبة في مصر والسودان وتعدادهم يفوق الـ10 مليون،...

مدغشقر بعتبرها من أغرب دول القارة لأنها بالفعل تعتبر دولة آسيوية من حيث السكان والثقافة واللغة وكل شيء، فـ سكان الجزيرة بيتكونوا من أعراق وأجناس كتير أكبرهم هي القومية الملجاشية واللي اتسمت بيها اسم جزيرة ملجاش زمان قبل ما يتحول اسمها لمدغشقر الملجاشيين بيشكلوا نسبة 90% من سكان الجزيرة اللي عددهم 25 مليون نسمة. وبيتوزعوا على 20 مجموعة عرقية أكبرهم هما شعب " ميرينا"، وبالأساس هم من شعوب الأسترونيزيين ودي مجموعة عرقية بتنتمي لجنوب شرق آسيا وبيتشكل منها شعوب كتير في دول شرق آسيا إزاي الآسيويين جُم لأفريقيا وأسسوا دولة "مدغشقر"؟ مدغشقر تعتبر جزيرة مأهولة بالسكان حديثة نسبيًا فالإنسان استوطنها من 1300 سنة بس، وقبل كدة مفيش معلومات عن إن كان في أي تاريخ للجزيرة وحتى هي مجهولة وغير مرتبطة بالتاريخ الإفريقي والصراحة مش عارف إية السبب إن تم استيطان الجزيرة في وقت متأخر تاريخيًا كدة في 3 آراء علمية حولين إزاي جم الآسيويين للجزيرة الأول بيقول إن السكان الاوائل جُم للجزيرة بواسطة المراكب من بر إندونيسيا لحد ما وصلوا لمدغشقر لكنهم مجهوش بشكل مباشر من بلدهم لمدغشقر و...

الفولاني أو الفولا شعب ضخم بيضم خليط من الأعراق والأجناس المختلفة، اختلط مع مع العرب والأمازيغ بحكم تجاوره لهم، وكمان اختلط بعدد من القبائل والشعوب الأفريقية زاي البمبارا والهوسا والولوف والماندينج وغيرهم الفولاني موجودين في 18 دولة أفريقية في دول جنوب الصحراء الكبرى، وبيعتبر من أكتر الشعوب الأفريقية انتشارًا جغرافيًا، وبيقارب تعداده الـ 20 مليون شخص اختلف باحثيين الأنثربولجيا حولين تحديد أصول الفولانيين وفي نظريات كتير عن أصول الشعب بتقارب الـ15 نظرية، اللي قال إن أصوله بترجع للفينقيين أو الهكسوس أو الليبيين أو آسيويين من ماليزيا أو الهند، واللي قال إنهم بالأساس بينتموا للإثيوبيين وفي اللي قال لإقليم الباسك في إسبانيا، وأخيرًا اتقال برده إنهم من المصريين القدماء والنوبيين القدماء ودي النظرية الأقوى (هتكلم في الجزء دة في الأخر) الشعب بالأساس رعوي بيعيش على رعي الأبقار لكن مع الوقت انقسم لجزئين جزء هم الرعاة، بيرعوا الأبقار ودايمًا في ترحال "بدو"، ولغتهم هي "الفلفلدي"، وجزء مستقريين ولغتهم "البولار" وبيشتغلو في الزراعة في مناطق كتير منت...

على الرغم من التباعد الجغرافي بين مناطق أفريقيا الشاسعة إلا أن في تشابه وتقارب كبير بين لغاتها مثلًا في تقارب كبير بين لغة الولوف المنتشرة في غرب أفريقيا وهي لغة بتنتمي لعائلة لغات النيجر/ الكونغو، مع لغة النوير اللغة الخاصة لقبائل النوير المنتشرة في جنوب السودان واللي بتنتمي لعائلة اللغات النيوصحراوية وتحليلي الشخصي للموضوع دة إن التقارب اللغوي جيه لأن الشعوب المتحدثة باللغات دي كانت متجاورة مع بعض قبل الهجرة السكانية العظمى اللي حصلت من قرابة 2000 سنة وغيرت التوازن السكاني في أفريقيا بهجرة قبائل زاي البانتو والزاندي من غرب القارة إلى وسطها، ومع الوقت استمر الانتشار في مناطق الوسط والشرق خلال البحث على المراعي

المغني والعازف العالمي علي فاركا توريه Ali Farka Touré من دولة مالي وبينتمي لمدينة تُمبكتو التاريخية، أتولد في 1939 واتوفى في 2006 توريه أخد شهرة عالمية بعد ألبومه Talking Timbuktu ، اللي أطلقه سنة 1994 بتعاون بينه وعازف الجيتار الأمريكي راي كودر، الألبوم حقق انتشار واسع في أمريكا وأوروبا وأخد جايزة جرامي موسيقى فاركا توريه ممتازة ورائعة بيخلط الموسيقى المالية الأفريقية بالبلوز والآلات الغربية، وبيعتبر من أبرز المغنيين اللي نشروا الفن الغنائي الأفريقي في الغرب فاركا كان عاشق لموسيقى بلده جدًا، وروّج لها وقال إن مالي دايمًا هي مكتبة لتاريخ الموسيقى في أفريقيا..

Ajak Deng خلال السنين القليلة اللي فاتت بدأت تتزايد أعداد عارضات الأزياء الجنوبيات (من جنوب السودان) أكتر وأكتر على ساحة الموضة العالمية، وبقوا وجوه مألوفة في عروض الأزياء العالمية في لندن وباريس ونيويورك وميلانو وغيرها وغيرها من أسابيع الموضة حول العالم الحقيقة أنا سعيد جدًا بالصعود القوي للجنوبيات وإنهم أثبتوا نفسهم.. مش لمجرد إنهم اتغلبوا على ظروف حياتية صعبة جدًا، في منهم كانوا لاجئات، لكن علشان هما جزء أساسي من حركة التغيير الكبيرة اللي حصلت وبتحصل دلوقتي في معايير عارضات الأزياء في صناعة الموضة زمان كان في معايير معينة لازم تكون في الموديل من حيث الأشكال والمواصفات، لكن حاليًا مجال الموديلينج بقى أوسع وأشمل وبقى في عارضات متنوعات جدًا ومنهم الجنوبيات، وكمان هما بيساهموا في تغيير مفاهيم ومعاير الجمال العالمية نفس الشيء لمعايير الجمال القديمة من 20 أو 30 سنة مبقتش هي هي اللي موجودة دلوقتي بل أن المعايير والمقاييس العالمية مالت لإنها تستوعب إن من ضمن "الجمال" السمراوات برده، بل وبقى يتم اختيارهم من ضمن الأجمل عادي جدًا وبيتم تصنيف الجنوبيات إنهم من أجمل نساء...

دايمًا بيتم الإشارة لأفريقيا إنها قارة متخلفة لا تمت للحضارة بأي صلة، خاصة أفريقيا السوداء مناطق جنوب الصحراء الكبرى لكن دة اعتقاد خاطئ، كان في حضارات لكن مشكلتها هي عدم التدوين والتسجيل وغيرها من الأمور، وهتكلم في دة بالتفاصيل مع الوقت، ابتديت مع ماناسا موسى إمبراطور مالي، أغنى إنسان في البشرية، اللي اهتم بمختلف أنواع العلوم والفنون منها العمارة وغيرها. ودلوقتي هتكلم عن حضارة في جنوب القارة بتبعد 5600 كيلومتر عن حضارة إمبراطورية مالي وهي حضارة زيمبابوي الكبرى اسم زيمبابوي معناه بلغة البانتو "مدينة الأحجار"، بيتكون من مقطع "زيمبا" يعني بيوت، و"بوي" يعني الأحجار قامت الحضارة في مملكة زيمبابوي، بسبب الطفرة الكبيرة في استخراج الدهب زي ما حصل كدة مع حضارة مالي، بالإضافة لاكتشفهم للأحجار الكريمة. ودة كان في السنة 1000 ميلادي لما أسست قبيلة شونا وهي فرع من قبائل البانتو إمبراطورية على مرتفعات هضبة روديسا وسمتها زيمبابوي، وكان عددهم ساعتها تقريبًا 15 ألف نسمة وبالصدفة اكتشفوا ترسبات الدهب في المملكة دي وكان حُسن استغلالهم لثروات مملكتهم الأثر ال...

من أكتر الحاجات اللي مرتبطة بالصورة الذهنية السلبية تجاه أفريقيا هي الملاريا، والملاريا مرض خطير وفتاك له ضحايا كتير حولين العالم وخصوصًا أفريقيا وفيها أكتر من 90 % من ضحايا المرض، خاصةً في مناطق جنوب الصحراء الكبرى لكن على الرغم من كدة الملاريا دي كانت في وقت من الأوقات هي السلاح الطبيعي اللي حامى قارتنا السمرا من الأعداء المستعمرين من أوروبا لفترة أكتر من 500 سنة، دة حصل إزاي؟ بداية من القرن الـ15 بدأت الرحلات الاستكشافية الأوروبية "البرتغالية" لأفريقيا، وكانت الرحلات دي مقتصرة بس على السواحل الأفريقية لحد ما اكتشفوا البرتغاليين كل السواحل الأفريقية سنة 1498 برحلة فاسكو دي جاما بعديه جيه كتير مستكشفين برتغاليين وإسبان وبلجيك، عشان يعرفوا حجم الثروات في القارة وإزاي يستفادوا منها بأفضل طريقة ممكنة ولما كبرت واتكونت الإمبراطوريات الأوروبية وأساطيلها البحرية الضخمة، اتفتحت عنيها على أن لازم يستكشفوا أراضي جديدة خارج أوروبا، وسعاتها كانت أفريقيا هي الهدف الأكبر لكن الأوروبيين من البريطانيين والإسبان والبرتغاليين والبلجيك والألمان، مقدروش يقتحموا ويتوغلوا في القار...

زي النهاردة من 214 سنة أجمع علماء مصر وزعاماتها وقياداتها الشعبية على تنصيب محمد علي باشا إنه يكون والي على مصر، في حالة سياسية شديدة الحساسية بين الإنجليز والفرنساويين والدولة العثمانية والمماليك وبين المصريين بزعمائهم الوطنيين سواء نتفق أو نختلف على الطبيعة السياسية لمحمد علي باشا في الفترة دي، وإزاي بدأ فترة ولايته وقضاءه على بعض الزعامات المصرية غير الموالية له والمماليك كذلك وغيرهم، وفي حاجات كتير ليا تحفظات عليها، لكن في فترة محمد علي باشا اللي امتد حكمه لـ43 سنة وأسس أسرة ملكية "الأسرة العلوية" امتد حكمها لحد انقلاب 23 يوليو، اللي يهمني في فترته دي هي الحالة الفريدة من نوعها اللي كان عليها المجتمع المصري محمد علي باشا كان شخصية فريدة في تاريخ مصر ومثيرة للاهتمام جدًا جدًا، بدأ حياته من الصفر لحد لما وصل لحكم مصر وإمتد سلطانه بعد كدة لمناطق كتير منها السودان واليونان وقبرص والشام والحجاز وغيرهم، فاختلط المصريين سكان وادي النيل بغيرهم من الشعوب والثقافات المختلفة عنهم، وحصل مزيج مدهش للمجتمع المصري بعتبره إنه هو الأول من نوعه في تاريخ مصر من قبل كدة محمد علي ...

جبل آرارات وهو أهم معالم أرمينيا واعتزاز للأرمن عبر التاريخ الموضوع دة مش بناقشه وبتكلم فيه لإثارة مفهوم "أرمينيا بتعتنا" وأي بلد كانت تابعة لمصر أو تحت نفوذ الحكم الصري في أي وقت من أوقات وحقب التاريخ تبقى مصرية، لكن للتأكيد على جزء من التاريخ المشترك بين الشعبين المصري والأرمني، والعلاقة بينهم، والأرمن لهم تراث كبير وشكلّوا شريحة مهمة من المجتمع المصري ولهم بصمات في تاريخ مصر على امتداد مئات السنين ولحد دلوقتي امتد الحكم المصري لأرمينيا "أرض الأرمن" التاريخية في القرن الـ13 خلال فترة حكم المماليك، واحتلالها كان لسبب أن ملك أرمينيا كان بيحرض الروم والتتار ضد الظاهر بيبرس اللي كان سلطان مصر في الوقت دة فـ الظاهر بيبرس قرر الانتقام من الروم والتتار والأرمن معاهم، وجهز جيش ضخم من مصر بقيادته وإتجه لحدود دولة المماليك في سوريا وانطلقوا لمدينة عنتاب اللي حاليًا موجودة في تركيا ومنها لأرمينيا اللي جغرافيًا موجودة في شرق تركيا، بهدف تأديب ملك الأرمن "هيثوم" وعقابه وكان في هدف تاني هو تأمين الحدود الشمالية والشمالية الشرقية والسيطرة على الحصون والقلاع...

لوحة لسوق الغورية خلال القرن الـ18 هاجر مجموعة كبيرة من السوريين من بلدهم لمصر، بسبب اضطرابات طائفية وسياسية، وكانت غالبية المهاجرين من مدينة حلب وبعدها جات مدينة حمص وبعد كدة مدينة حما، كانت الغالب على المهاجرين في الفترة دي دول دينيًا كاثوليك وموارنة، ودة نتيجة لاضطهاد الكاثوليك في حلب ودمشق بالذات من الأرثوذوكس بسبب طلبات الكاثوليك للقناصل الأوروبية بنيل حمايتها اللي حفز السوريين على التوافد بكترة لمصر خلال الفترة دي إن كان في ترحاب من المصريين بيهم، وظهر دة مع السوريين اللي هاجروا لمصر قبل الفترة دي بالذات في القرن الـ17 وقبل كدة كمان، ودول كان نسبتهم قليلة بالمقارنة مع هجرات القرن الـ18  فانتشروا السوريين في مصر وكان وصل بس عدد الكاثوليك في القاهرة 200 أسرة غير باقي أتباع الكنايس وغير المسلمين واليهود كمان  وكان الأسهل على السوريين الهجرة لمصر عبر الطريق البحري، وكانت دمياط هي المدينة المفضلة لهم وتعتبر تاني أكبر مدينة في مصر بعد القاهرة في تعداد السوريين في الزمن دة، وانتشروا في أنحاء المدينة مش في أحياء معينة ووصل بس عدد الكاثوليك في دمياط م...

من أقدم الدلائل على قدم العلاقة الطيبة بين الشعبين المصري والسوري هي قصة سنوحي، النبيل المصري اللي كان عايش قبل الميلاد بتقريبا 2000 سنة في عهد إمنمحات الأول، وله قصة شهيرة تعتبر من أوائل القصص الأدبية المصرية في التاريخ. وملخصها هو إن سنوحي كان صديق لولي العهد سنوسرت الأول وبعد وفاة والده اشتد الصراع بين سنوسرت وأخوه على ولاية العرش فخاف سنوحي على نفسه وقرر الهروب من مصر. إتجه سنوحي للدلتا ومنها لمملكة رتنو وحاليًا موقعها في سوريا وطلب من ملكها اللجوء ليها، واللي ساعد سنوحي إن كان في مصرين عايشين في المملكة السورية ووصلوا للملك إن سنوحي شخص نبيل وبيتمتع بالأخلاق وله مكانه عظيمة في مصر، فوافق ملك رتنو واستضاف سنوحي أفضل ما يمكن وعاش في المملكة. وبيذكر التاريخ إن أول تواجد للسوريين في مصر كان في عهد بناة الأهرام يعني في عهد الأسرة السابعة خلال الفترة من 2181–2160 قبل الميلاد، فحصلت هجرت كبيرة من سوريا وفلسطين كمان لمصر ودة من خلال طريقين الأول البر من خلال طريق القوافل التجارية بين مصر وسوريا وخط سيره من القاهرة لحد بلبيس ثم الفرما ثم قطيا ثم العريش ومنها للشام. والط...