أبنوس | Ebony

  مِش صعيدي الأجبان من الأكلات الأساسية على طبلية المصريين من آلاف السنين، اختلفت أنواعها وأشكالها ومذاقاتها وأقدم اكتشاف للجبنة في تاريخ مصر، ومن الأقدم في العالم، كان في مقبرة سيدة بمنطقة سقارة بيرجع تاريخها لـ4750 سنة وفي 2018 تم اكتشاف بلاص جبنة كان في مقبرة النبيل بتاحمس اللي بيرجع لسنة 1200 قبل الميلاد، يعني عمر الجبنة دي 3200 سنة، وأظهر التحليل أن الجبنة دي مصنوعة من حليب الأغنام والماعز جبنة مصرية عمرها 3200 سنة حاليًا.. مصر اتميزت بـ4 أنواع جبنة مصرية أصيلة بتتصنع حصريًا فيها ، بجانب عشرات الأنواع التانية اللي موجودة في مصر لكنها مش مصرية بالأساس مش هنبالغ لو قولنا إن ممكن كل محافظة أو كل قرية كمان ليها جبنة بمذاق مختلف عن التانية وتعتبر الجبنة القريش أقدم أنواع الأجبان المصرية، وبترجع لعهد المصريين القدماء، وأكتر نوع جبنة منتشر في أنحاء مصر وفي كمان الجبنة الدمياطي، اللي كانت بالأساس بتتصنع في دمياط من قرون، ومنه انتشرت في مصر، وبتتصنع من لبن الأبقار أو الجاموس، أو من خليط منهم، وأحيانًا بتتعمل من لبن الغنم، وبتتسمى جبنة ضاني النوع التالت، وهو الجبنة القديمة أو المِش، وهو...

ارتبطت الاكتشافات الكبيرة والصغيرة حتى في أرجاء الكوكب خلال أخر 500 سنة الرحالة والمغامرين الغربيين سواء الاكتشافات اللي حصل في أفريقيا أو للعالم الجديد الأمريكتين الشمالية والجنوبية ولجزر المحيطات لكن مع الوقت ومع زيادة الدراسات في موضوع الاكتشافات دي، بيتضح إن كان في شعوب وأشخاص تانيين من الشعوب الأصلية كانوا موجودين قبل الرحالة الغربيين، ومنهم مكتشفين القارة المتجمدة القطبية الجنوبية "أنتاركتيكا"  لكن مشكلة الرحالة الأوائل الأصليين دول إنهم افتقدوا لتوثيق وتسجيل رحلاتهم عكس الغربيين، واعتمدوا على والتوثيق الشفهي اللي اتناقلته أجيال عبر أجيال بشكل رسمي موجود تاريخ اكتشاف القارة الجنوبية في سنة 1820 على يد بعثة علمية روسية (في جدل حولين مين اللي شافها الأول هل هما الروس والبريطانيين)، ومنا بعدها اتوالت بعثات غربية للمنطقة  وتعتبر القارة المتجمدة هي أخر مكان في العالم يتم اكتشافه في التاريخ المسجل  لكن في دراسة جديدة اتنشرت السنة اللي فاتت في مجلة الجمعية الملكية لنيوزيلندا، عملت دربكة في الموضوع دة، لإنها قالت إن اكتشاف القارة المتجمدة مكنش من 200 سنة على يد الغربيين لا ...

في ثقافتنا الشعبية كـ مصريين فـ غالبيتنا العظمى بيميل للشاي أكتر من القهوة، من الصعيد للدلتا من غرب البلد لشرقها وجزء أساسي من واجب الضيافة في ثقافتنا مع ارتباط القهوة من سنين طويلة بفئة خاصة من الناس، رغم الإحصائيات الأخيرة اللي أكدت تزايد استهلاك القهوة لكن لا مقارنة طبعا مع حجم استهلاك الشاي رغم إن الشاي هو المشروب الأول والمنتشر بين المصريين، لكن المكان المُحبب خارج بيوتنا اللي بنقضي فيه أوقاتنا مع الأصدقاء سمناه "قهوة" مش شاي.. مُسمى قهوة من مشروب القهوة طًبعا ودة خلى يجي في بالي سؤال يمكن كتير مفكرش فيه قبل كدة.. لية القهوة الشعبية (المقهى) اسمها قهوة مش شاي؟ تفسيري الشخصي للموضوع دة هو التاريخ بيرجع تاريخ مشروب القهوة في مصر لنهاية القرن الـ15، وانتشرت خلال عهد محمد علي باشا مع بدايات القرن الـ19 مع زيادة عمليات تهريب البن اليمني من مدينة جدة لمدينة القصير على ساحل البحر المتوسط  وبقى ليها أماكن خارج البيوت بتتشرب فيها، أماكن بالأساس كانت بتقدم المشروبات العُشبية البسيطة من اليانسون والزنجبيل والقرفة، وانضمت لهم القهوة  مع مرور الوقت دخل الدخان بأنواعه مصر وانضم للمشار...

  غالبًا لما يتذكر اسم دولة "بوركينا فاسو" دايما بيتبادر في الذهن السخرية الشائعة عن اسم الدولة بسبب تكرار الموضوع دة حتى على الشاشات في الأفلام والمسلسلات المصرية والعربية  اسم الدولة وراه قصة وطنية وعظيمة جدًا، كان بطلها الرئيس الثوري الأفريقي توماس سنكارا، قرر يستبدل الاسم الاستعماري لبلده من "فولتا العليا" للاسم الأصلي ليها  اسم بيعبر عن شعبه.. اسم بيحمل هوية وتاريخ البلد ويدل على التوافق والتنوع اللغوي في بلده، فـ اختار اسم "بوركينا فاسو" سنة 1984 اسم بوركينا فاسو ترجمته الحرفية "فاسو" يعني أرض/وطن/ بلد وكلمة "بوركينا له كذا معنى وهما: الأحرار/الأشراف/الطيبين/الأطهار أو الطاهرين  وتوماس حرص على التسمية دي عشان يكون هو الاسم الأنسب اللي يتوصف بيه بلده وشعبه الثائر اللي اتخلص من الاستعمار الغربي تسمية "بوركينا فاسو" مميزة كمان إن معانيها موجودة في اللغات المحلية للشعوب الكبيرة في البلد،  فـ كلمة "بوركينا" معناها في لغة موشية معناها "الأصليين" وفي لغات الجولا والبمبارا "الأحرار/الأشراف"، وكلمة "...

 بنحتفل الأيام دي بالذكرى الـ162 سنة على تأسيس مدينة بورسعيد الباسلة اللي ليها تاريخ كبير في النضال ضد أعداء مصر وكمان احتضنت لاجئين هربوا ليها وعاشوا في سلام وأمان 13 يوليو 1915 كان يوم فيصلي في حياة أرمن جبل موسى في مدينة أنطاكيا الواقعة حاليًا في تركيا بعدما جات لهم أوامر بالترحيل القسري من قراهم على يد القوات العثمانية  لكن المقاومة الأرمنية في القرى الـ6 بقيادة الزعيم بدروس ديملاكيان صدوا هجمات وحصار العثمانيين طول 45 يوم واعتصموا في قرى جبل موسى لحد ما البحرية الفرنسية نجدتهم  في البداية كان من المقرر إن يتم نقلهم لمكان آمن في قبرص لكن تم رفض دة وكان الخيار التاني هو نقلهم لبورسعيد، وبالفعل أمر قائد سفينة جوشن  الفرنسية بالتوجه لمصر رغم عدم الحصول على موافقة من السلطات البريطانية وقتها  ولما وصلوا الأرمن اللي كان عددهم 4200 نسمة قامت مطرانية الأرمن الأرثوذكس بالقاهرة بإرسال مندوبين منها لاستقبالهم وتهيئة مخيم في منطقة الكارانتينة (بورفؤاد حاليًا)  وبالفعل اتنصبت الخيام وتم توزيع اللاجئين على حسب التوزيع الجغرافي الأصلي لهم على الـ6 قرى فتم تقسيم المخي...

صورة نادرة لمصريين من أصل أرمني ولاجئين ومهاجرين أرمن كانوا في مصر ومسافرين من ميناء الإسكندرية لأرمينيا ومكتوب على الباخرة رسالة شكر وعرفان لجلالة الملك فاروق الأول وللشعب المصري علي حُسن الضيافة ما بين سنة 1946 و1948 هاجر أكتر من 150 ألف أرمني شرق أوسطي من المنطقة لوطنهم الأم في هجرة عكسية تاريخية بسبب الصحوة القومية الأرمنية العالية في الوقت دة وكان من بينهم أكتر من 4000 أرمني مصري مهاجر، من بينهم المغنية الأوبرالية المصرية الأرمنية جوهر جاسباريان، المولودة في القاهرة وكانت فيما بعد أيقونة الغناء الأرمني ومغنية الأوبرا الوطنية الأولى في جمهورية أرمينيا الاشتراكية السوفيتية

عهد المماليك يعتبر من أكتر العهود اللي أثرت على مصر والمصريين والثقافة المصرية بشكل جذري سواء سلبًا أو إيجابًا وحصلت وقائع كبرى أبرزها صد الزحف المغولي اللي أباد شعوب ومحى دول وممالك وعواصم منها بغداد مركز الدولة العباسية نفسها لكن مماليك مصر واجهوا الغزو انتصروا  وكمان واجهوا الهجمات الأوروبية على مصر والشام للاستيلاء على بلاد الشرق والقدس، وانتصروا برده بفضل مزاياهم العسكرية والفروسية العالية جدًا لكن من الجوانب السلبية في المماليك هو إنهم كانوا بيمتازوا بصفات سيئة بسبب نشأتهم في بيئة غريبة ومضطربة مفاهيم الشللية والانتقام الجنسي والمهموز والمجاملات الزايدة عن الحد والزُمبة و"البتاع" والجدعنة والمنظرة وحاجات كتير زي دي بالأساس هي جزء من التراث المملوكي اللي تسلل في الثقافة المصرية وموجود لحد دلوقتي  المماليك كانت حياتهم غريبة، كانوا بينقسموا حسب كل مجموعة منهم تابعين لأنهي أمير، فكان في تنافس قوي ودموي بينهم لكسب ولاء الأمير والسلطان وبسبب دة ظهرت مصطلحات "الإسفين والبع**ص والزومبة والمهموز " اللي بنرددهم دلوقتي وبنفس المفهوم الحالي بالظبط  لإن مكنش في روابط بينهم...

طومان باي زي النهاردة من أكتر من 5 قرون تم إعدام الأشرف أبو النصر طومان باي آخر سلاطين المماليك الشراكسة على يد العثمانيين بعدما اتهزم في  معركة الريدانية سنة 1517 واتنشق على باب زويلة  بـ قتل طومان باي انتهى عصر الدولة المملوكية بشكل رسمي لكنهم استمروا في حكم البلد لبعد كدة لـ4 قرون بل سلالتهم موجودة حاليًا في مفاصل الدولة المصرية.. مثلًا عائلة سوزان مبارك "عائلة ثابت" من أصل مملوكي عصر المماليك يعتبر هو من أكتر العصور غموضًا في تاريخ مصر ، مش معروف عنه معلومات كتير رغم إنه امتد لـ 3 قرون، هو بشكل رسمي المماليك/ الرقيق اتولوا حكم مصر من قبل كدة بكتير تحديدًا في القرن العاشر الميلادي  على يد أحمد بن طولون اللي أسس أول دولة مستقلة إسلامية في مصر وكان في أمراء وولاة مماليك بارزين في عهده زي يزيد بن عبدالله التركي وعلي بن يحيى الأرمني وأزجور التركي لكن مع الوقت انحسر مفهوم العصر المملوكي بالعصرين مماليك البرجية الشراكسة ومماليك البحرية التركمان خلال التاريخ دة المماليك اتعرضوا لأكتر من ضربة قاتلة أولها اغتيال طوبان باي منمنمة عثمانية لإعدام طومان باي والتانية من محمد علي باش...

يوم 8 أبريل مناسبة هامة جدًا بالنسبة ليا وهي الاحتفال باليوم العالمي لجماعات الغجر، واللي يعتبروا من المكونات المهمة في المجتمع المصري  غجر مصر زي كل الغجر في العالم عايشين على هامش المجتمع في حياة منعزلة وترحال وبساطة، ومتخدة عنهم انطباعات سيئة وسلبية  لإنهم اشتهروا بالتسول والسرقة والشغل في الممنوع سواء في مصر وفي كل الدول اللي متواجدين فيها  بالأساس الغجر في العالم منقسمين لمجموعتين عرقيتين وهما "رومن" ومجموعة "دومر" وهي اللي منها غجر مصر ومنها بينقسموا لإثنيات وقبائل تاني  منها الحلب والنَوَر والمساليب وعددهم الإجمالي بـ يُقال إنه ما بين مليون و2 مليون غجري مصري  هما كلهم من مجموعات ثقافية واحدة لكن في اختلافات بينهم وبين بعض طبقًا للنطاق الجغرافي اللي عايشين فيه، لكن في صفات وأمور بتميزهم بشكل عام عن غيرهم من غير الغجر وأبرز الحاجات دي هي الألوان الفاقعة الصاخبة بفستان مزركش بمبة وأصفر وأحمر.. إلخ وشعر مصبوع بالأصفر أو الأحمر ورسومات الوشوم، تقدر بكل سهولة تميز الغجريات في شوارع القاهرة ومصر عمومًا، حتى وإن منهم اللي بيتسولوا إدّعوا إنهم "من دولة عربية...

  قسطنطين كڤافيس "وعاشرت فيكي الخواجة يَني.. إجريجي لكن مصراوي جِنّي".. الكوبليه دة في تتر مسلسل زيزينيا بصوت الفنان محمد الحلو بعتبره بيلمس حقيقة تاريخية واقعة على أرض الإسكندرية، وهي التمازج الثقافي  حصل التنوع دة بسبب الموقع المهم جدًا للإسكندرية الرابط بين مصر وأفريقيا من جهة واليونان وأوروبا والشام من جهة تانية  فـ كانت الإسكندرية هي محطة توافد رئيسية عبر التاريخ لليونانيين تحديدًا وكمان الإيطاليين والقبارصة والصقليين والشوام والأرمن وغيرهم وغيرهم فـ كانت حلقة وصل بين البيئة والثقافة المصرية والثقافة اليونانية.. مدينة بهوية مزدوجة، واليونانيين يعتبروا من أكتر المكونات اللي أثرت في مصر خصوصًا في  مجالات الاقتصاد والتجارة  ودة بسبب تمكنهم من الإبحار وعِلمهم باللغات، وزاد عددهم في مصر خاصةً خلال فترة حكم محمد علي باشا وقربهم له وكان منهم المترجمين له  وكان في أكتر من 140 ألف يوناني مصري كانوا موجودين في مصر لحد بدايات الخمسينيات وعددهم قلّ تدريجيًا بعد انقلاب 23 يوليو وموجة العداء ضد المصريين من أصول أجنبية في مصر ومنهم اليونانيين  وكان من أبرز اليون...

النهاردة ذكرى مرور 1689 سنة على تأسيس مدينة الإسكندرية العاصمة التانية لمصر، على إيد الإسكندر الأكبر اللي كان عاوزها تكون بمثابة عاصمة ثانوية في الجزء الأفريقي للإمبراطوريته الشاسعة اللي امتدت من البحر الأدرياتيكي في الغرب لحد جبال الهمالايا في الشرق اتقسمت الإسكندرية لـ خمسة أحياء كانت أسماءها هي الحروف الأبجدية اليونانية الخمسة الأولانيين، أهمهم الحي الملكي (حي البروكيون) وكمان حي اليهود اللي كان بدايته من المسرح الرئيسي من الشرق لحد وسط المدينة تحديدًا شارع كانوب (شارع فؤاد حاليًا) واتميزت المدينة بأنها كانت مزيج فريد جدًا لتلاقي وانصهار حضارة الشرق المتمثلى في الحضارة المصرية بحضارة الإغريق من حيث الثقافة والدين والعادات واللغة والعلوم وكل شيء واللي اتسمت باسم "الحضارة الهيلنيستية" كانت مركز للتجارة في المنطقة ومركز للعلوم والفكر والثقافة لليونانيين بالذات بعد بناء مكتبة الإسكندرية  واللي بعد القرن التاني الميلادي أخدت منحنى ثقافي/ ديني وشكلت دور مهم في فلسفة العقايد في مصر ما بين الوثنية واليهودية وكمان المسيحية في الجدل حولين طبيعة السيد المسيح، وكان أريوس صاحب المذهب ا...

أوقات لما أسمع أغاني ومزيكات معينة منها تراك "For All Seasons" للموسيقار العالمي "ياني" بحسّ بشعور جاااامح وبسعادة غامرة وبوصل لـ"النشوة الموسيقية" النشوة هي أوج ذروة السعادة واللذة اللي بيتعرض ليها الإنسان في لحظة أو وقت ما خلال تعرضه لمُسبب غير اعتيادي له، وغالبية الأوقات بترتبط النشوة بالجنس لكن ليها مُسببات تانية وهي المزيكا  في دراسات علمية اتعملت كتير جدا حولين مفهوم "النشوة الموسيقية" وإنه هل فعلًا ممكن إنسان يوصل لذروة النشوة لما يسمع موسيقى، وإمتا وإزاي وليه؟!! النشوة الموسيقية بتحصل لما شخص بيستمع لمقطوعة موسيقية أو أغنية بكامل حواسه وبتسبب له ابتهاج شديد والعلماء حددوا بعض الأوقات المعينة اللي بتحصل فيها النشوة  وهي خاصةً لما شخص يتفاجئ بروعة أداء مُغني بشكل غير متوقع، أو كمان لما يكون في مجموعة عازفين وواحد منهم يعزف منفرد أو بلحن فياض بالمشاعر الحالتين دول اتصنفوا إنهم من أكتر الحالات اللي ممكن تسبب النشوة الموسيقية للشخص ومش لأي شخص فقالوا إن بس 5% من البشر اللي ممكن يوصلوا للنشوة دي  النشوة الموسيقية بتحصل في هيئة قشعريرة في الجلد ...

  خلال الاحتفال بنقل المومياوات الملكية المصرية من متحف التحرير للمتحف القومي للحضارة المصرية كان في فقرة غنائية أسرت قلوب المشاهدين  كانت ترنيمة مهابة إيزيس اللي غنتها بأداء أوبرالي تحففففة الفنانة أميرة سليم وكانت من تلحين هشام نزيه وترجمها ميسرة حسين وهي: اى رمت نترو أن باجو نتس حنوت وعت سنج أن إيست بغ أن اس جت اف سنج أن إيست انتس حنوت آمنت تاوى ام اسيبوى سنج أن ايست ايرت رع ور حسوت ام سبات سنج أن إيست ردى نس عات أن نيسو بيتى (الترجمة) يا أيها البشر والآلهة الذين في الجبل إنها السيدة الوحيدة مهابة لايسة فإنها التي تلد النهار مهابة لايسة فإنها سيدة الغرب والأرضين معا مهابة لايسة فإنها عين رع عظيمة القدر في الأقاليم مهابة لايسة فإنها التي تهب الكثير لملك مصر العليا والسفلى كان في سؤال شغال غالبيتنا وهو إزاي عرفنا نطق الترنيمة دي وعموما إزاي عرفنا نطق اللغة المصرية القديمة؟  هو في البداية علماء المصريات نجحوا في الوصول لنطق اللغة المصرية القديمة فعلًا بس مش بشكل كامل وتام وأكيد 100%، لكن بعد محاولات واجتهادات طويلة ومتلاحقة  المسألة دي كانت صعبة جدًا فعلًا وتعتبر أول...

  سلطان محمد شاه المعروف باسم "آغا خان التالت" إمام الطائفة النزارية الإسماعيلية له حاجتين مميزتين في مصر مرتبطين بيه الأولى هي مقبرته الموجودة على الضفة الغربية للنيل في أسوان  وبناها فخمة من الحجر الجير على الطراز الفاطمي واتدفن فيها زي النهاردة من 61 سنة  سبب اختيار آغا خان لأسوان تحديد بيرجع أصلًا لقصة حبه وشفاءه فيها، فالإمام الإسماعيلي كان عند أمراض الروماتيزم وآلام العظام ومكنش لاقي علاج ليها خالص  لحد ما نصحه صديق بإنه يزور مصر تحديدًا في جنوبها في أسوان في فصل الشتاء وهناك في طرق علاجية نوبية قديمة هيتشفى بيها وبالفعل سنة 1954 سافر أسوان مع أسرته ومجموعة كبيرة من حاشيته وأتباعه الإسماعيليين وأقام في فندق أولد كتاركت المشهور في أسوان (اللي الناس مسمياه جراند أوتيل عشان المسلسل) وزار سلطان شاه زار شيخ نوبي يطبب آلامه فنصحه إنه يدفن نصه التحتاني في الرمال الساخنة لمدة 3 ساعات كل يوم على مدار أسبوع، طبعًا استغرب والموضوع أخد تريقة من أطباءه الأوروبيين  لكن آغا خان سمع بكلام الشيخ وبالفعل اتدفن، وبعد أسبوع رجع للفندق ماشي على رجيله، أكنها معجزة!! ومن وقتها و...

  أصفر وأحمر وأزرق وأسود.. وألوان كتير بأشكال مختلفة بتميز الأعلام الرسمية للدول بينها وبين بعضها ومن الحاجات الغريبة إن مفيش دولة مستقلة في العالم ما بين الـ 193 دولة اللي موجوديين، من ضمن ألوان علمها اللون البنفسجي، باستثناء دولة واحدة بس! ودة بسبب إن زمان كانت صبغة اللون النفسجي غالية جدًا جدًا فمكنش في استخدام ليها إلا محدود للغاية، وكان استخدام البنفسجي في الأعلام الوطنية حتى للدول والممالك هيكون مكلف جدًا لأي دولة أصل القصة دي بيرجع بينا للزمن لآلاف السنين تحديدًا لـ لبنان في عهد الفينيقيين اللي اتأسست حضارتهم قبل 4500 سنة على ساحل البحر المتوسط الفينيقيين كانوا شعب بحري بامتياز بيعشق البحر وفي زمنهم كانوا أعظم بحارة في العالم، وكانوا كمان صيادين فكانوا بيصطادوا صدف رخوي اسمه "مريق" قدروا إنهم يستخرجوا منه صبغة بنفسجية منها ابتكروا اللون البنفسجي تحديدًا في مدينة صور وكمان صيدا كاننوا يعتبروا مراكز تصنيع اللون البنفسجي الوحيدة في العالم واللي كان اللون دة بيجذب الملوك من العالم القديم عشان يقتنوا ملابس بنفسجية اللون بالذات في مصر وبلاد فارس والرومان كانوا بيعتبروا إن ال...

  سامية، تروي العطشان وتشبع الجعان، مصدر للعزة والفخر والكبرياء، هي حياة الدنيا وعبادة للآخرة، سيدها "مالكها" وسط قطيعها كأنه في جنّة، ومنها أخد لقبه وانتسب "بقاري".. هي البقرة في غرب السودان بيعيش "البقارة" وهي مجموعة إثنية متعددة الأعراق والأصول والخلفيات الثقافية لكن بيجمعها شيء وهو عشقهم للبقر البقرة كائن سامي بيحقق للبقارة المنزلة الاجتماعية الرفيعة مع كترة أعدادها عند سيدها، وهي أكله وشربه ووسيلة للتقرب من الله بالتبرع للفقراء بالحليب ومنتجات الأبقار للفقراء كنوع من الزكاة والصدقة وبتتسمى "منيحة، وأمور تانية كتير ولأنها كل حياته فـ بتستحوذ على كل حبه واهتمامه وحنيته ورعايته كأنها من أسرته، وفي لغته بيسمها "بارة" في حالة مرض أو نفوق بقرة بيتألم ويتوجع عليها بحزن شديد بيوصل للبكاء، وبيرفض أكل لحمها البقاري وسط قطيعه هو سيد، وبيقوده بعزة وفخر ونظرة قوية من مكان لمكان لأجل توفير العشب والأكل لهم ولأجل البقيرات غنى وقال أشعار: البقر ليهن شّنه وليهن ونّة البقر كل شيء بسونا ولمكتب تعليم برام بننا والماشـي أقروب في عاتي الخيل ركبنّا ولطالبنا م...

سنجر بتعتبر أشهر وأقدم ماركة لماكينات الخياطة في العالم، والاسم بيرجع للمخترع الأمريكي إسحاق سنجر اللي يعتبر الأب الروحي لصناعة الماكينات  قبل 160 سنة إسحاق سنجر طور ماكينات الخياطة بشكل جذري وقدم لينا الماكينات بشكلها المختلف الجديد واللي هو موجود بين إيدينا  أهم التغييرات اللي عملها إنه خلى الإبرا في أول الماكينة وعمودية وفي عز انتشار ماكينته انتشرت شائعات كتير منها إن الماكينة مصنوعة من مواد غالية ونادرة، واتقال إنها أصلًا مصنوعة من الدهب  ودة خلى البعض في أمريكا والعالم يكون مهووسين بالماكينة وتجميع أكبر عدد منها على أمل إنهم يحققوا ثروة  وكان في شائعة كمان في مصر ودول المنطقة ولازالت منتشرة!  بإن الماكينات سنجر فيها معدن الزئبق الأحمر اللي بيتم استخدامه في أعمال السحر وأمور تانية فـ زادت أسعار ماكينات سنجر في حاجة غريبة ارتبطت بشركة سنجر وهي اتهامها بالتجسس، فـ في سنة 1913 تم اكتشاف قضية تجسس لعمال وموظفين الشركة بإنهم جمعوا معلومات وبيانات عن عملاء الشركة وقدموها للألمان المصادر: - sodiummedia  - hyatok

ريانا من أشهر الفنانين حولين العالم طبعًا ورمز وعلامة مهمة في صناعة المزيكا الحالية، وغالبًا يُعتقد عنها إنها أمريكانية إلا أنها بتنتمي لبلد لاتيني هي بربادوس وواخدة منصب سفير فوق العادة فيها  بربادوس جزيرة في شرق البحر الكاريبي، أعلنت إنها هتاخود خطوة تاريخية بانفصالها عن التاج البريطاني وتبقى جمهورية حرة في الذكرى الـ55 عيد الاستقلال في نوفمبر 2021  رغم إن بربادوس الأفريقية الأصول والهوى والنكهة دولة صغيرة جدًا مساحتها 431 كم بس وعدد سكانها 286 ألف نسمة لكنها بتمتلك تاريخ استعماري طويل ودموي الأول كانت مستعمرة إسبانية وبرتغالية، بعد كدة وقعت تحت السيادة البريطانية سنة 1625 لحد استقلالها سنة 1966 يعني تم استعمارها 341 سنة السنين دي معدتش بسلام وهدوء لكن حصلت ثورة ضخمة لسكان الجزيرة من العبيد بقيادة بوسا واللي اتعرفت الثورة/ التمرد دة باسمه  بوسا اتولد في غرب أفريقيا في مملكة أكان أو إيجبو وبعد استعمار مملكته تم استعباده ونقله لبربادوس وكان شغال حارس مزرعة ورغم إن كان له شوية امتيازات لكنه خطط لتحرير العبيد في بلده الجديدة بربادوس  قامت ثورة العبيد في بربادوس في أبري...

 ليبيا من دول شمال قارة أفريقيا وليها تاريخ قديم جدًا بيرجع لآلاف السنين، اشتق اسمها من الاسم اللي كان بيطلقوا المصريين القدماء على شعبها "الليبو" واللي هما الأمازيغ السكان الأصليين لشمال أفريقيا  وأقدم وثيقة مصرية ذكرت الليبو هي اللوحة المنقوشة اللي بتخص الملك نعرمر/ مينا موحد القطرين زمان اليونانيين كانوا مهتمين ببلاد جنوب البحر المتوسط واحتلوا أجزاء منها مصر وأجزاء من القارة واللي سموها ليبيا  في البداية اليونانيين سموا شمال أفريقيا اللي بيسكناه الأفارقة أصحاب البشرة الفاتحة باسم "ليبيا" وفي الجنوب مناطق القارة لأصحاب البشرة السمراء إثيوبيا  لكن مع مرور الوقت اتسمت القارة ككل باسم ليبيا، ومؤرخين يونانيين كتير اهتموا بقارة ليبيا منهم بلينيوس الأكبر وديودور الصقلي وأبرزهم هو هيردوت أبو التاريخ  واتحولت التسمية ليبيا من شمال أفريقيا للقارة بالعموم في المرحلة اللي بعد هيرودوت (القرن الخامس ق.م)، اللي اتكلم عن ليبيا في أكتر من مرة أبرزهم في الكتاب التاني له اللي اتسمى الكتاب الليبي، واتكلم فيه عن كل شيء يخص سكان شمال أفريقيا من العادات والتقاليد والتاريخ والدين ال...

في مدينة توبا أو طوبى في وسط السنغال موجود مسجد بديع في الجمال العماري والجمال الروحاني لإرتباطه بشخصية دينية روحية ومقدسة عند أتباع الطريقة المريدية الصوفية وهو الشيخ أحمدو بمبا إممباكي اتعرف الشيخ أحمدو بمبا بين مريديه باسم "ولي توبا" ومن الاسم دة اتسمت المدينة اللي أسسها باسمه وهي توبا  ملحوظة: ممكن سماع التدوينة أوديو ساوندكلاود من هنا  الشيخ أحمدو بمبا كان ولي صوفي وشاعر وسياسي ومقاوم كمان ضد الاستعمار الفرنسي لبلاده  وركز دعوته على نبذ العنف لكن دة اللي خلاه يتم اعتقاله ونفيه لخارج السنغال  ويعتبر أحمدو من أكبر وأشهر الأولياء الصوفيين في غرب أفريقيا وبيجي يزور قبره اللي موجود في مسجد توبا في ذكرى ميلاده كل سنة ملايين من المريدين والمحبين له  رغم إن المسجد اللي موجود في شرق توبا سعته 30 ألف شخص بس، لكن بيتم إجراء تجديدات له وصلت تكلفتها لـ30 مليون دولار  وكان بيركز أحمدو بمبا في القيم والمبادئ بتعته على قيم السلام والعمل الجاد والكرامة، فكان بيشوف إن الكسب من عمل الإيد هو حاجة ضروري جدًا لحفظ الكرامة من مد الإيد للغير وسمى طريقته المريدية بمعنى "المريد...